അതുല്യാവിന്‍ ചമയലിടം

കോക്കി

2008-01-24T01:59:00.000-08:00

കോക്കി. ഇതിന്റെ പേരെന്താ ഇങ്ങിനേന്ന് ചോദിച്ചാല്‍, പറയില്ല പറയില്ല. നമ്മള്‍ (?)എല്ലാ ധ്യാനങ്ങളും ഒക്കെ ഇട്ട് അട ഉണ്ടാക്കുന്നത് പോലെ, ഗോതമ്പ് പോടി ഉപയോഗിച്ച് വടക്കേ ഇന്ത്യക്കാരുണ്ടാക്കുന്നതാണിത്. തണുപ്പ് കാലത്ത്, പ്രാതലായിട്ട് മിക്കപ്പോഴും ഇത് എന്റെ വീട്ടിലുണ്ടാക്കാറുണ്ട്. ഉണ്ടാക്കാന്‍ എളുപ്പം ആണു താനും. ആവശ്യമുള്ള സാധനങ്ങള്‍

ഗോതമ്പ് പൊടി (എപ്പോഴും ഞാന്‍ ഗോതമ്പ് പൊടി തീരെ പൊടിയായിട്ട് പൊടിയ്കാതെ, പറ്റുമെങ്കില്‍ അല്പം തരതരപ്പായിട്ടാണു പൊടിച്ച് കിട്ടാന്‍ സാധ്യതയുണ്ടെങ്കില്‍ ചെയ്യാറ്)
ഉപ്പ്
അയമോദകം
ഇഞ്ചി
പച്ചമുളക്
പച്ച കൊത്തമല്ലി
സവാള ആവശ്യത്തിനു
നാരങ നീര്‍ അല്ലെങ്കില്‍ ആംചൂര്‍ (ഉണങിയ മാങാ പൊടി)
ജീരകം
എണ്ണ അല്ലെങ്കില്‍ ഡാല്‍ഡ് അല്ലെങ്കില്‍ നെയ്യ്
ഗോതമ്പ് പൊടി ഒരു ഗ്ലാസ്സെങ്കില് നെയ്യ്/എണ്ണ/ഡാല്‍ഡ് എന്നത് കാല്‍ ഭാഗം (ഇതാണു കണക്ക്. പക്ഷെ, കലോറിയെതിരാളികള്‍ ആരെങ്കിലുമുണ്ടെങ്കില്‍...കുറച്ചോളു)
വെള്ളം.

പച്ചമുളക് ഇഞ്ചി കൊത്തമല്ലി സവാള എന്നിവ തീരെ ചെറുതാക്കി അരിഞ് ഗോതമ്പ് പൊടിയിലേയ്ക് ഇടുക. ഇതിലേയ്ക് നെയ്യ്/എണ്ണ/ഡാല്‍ഡ് എന്നിവ ചേര്‍ത്ത് ഉപ്പ് അയമോദകം എന്നിവ ചേര്‍ത്ത് വെള്ളം ചേര്‍ക്കാതെ യോജിപ്പിയ്കുക. ഇത് മിക്കവാറും വെള്ളമില്ലാതെ തന്നെ ഒരു അത്രയും സ്മൂത്ത് അല്ലാത്ത ഒരു ഉണ്ട പരുവമാവും. വേണമെങ്കില്‍ അല്പം വെള്ളം തളിച്ച് ഒന്ന് കൂട്ടി യോജിപ്പിയ്കുക. (വേണമെങ്കില്‍ ക്യാരറ്റ്/ക്യാബേജി/മഞ പൊടീ മുളക് പൊടീ/ ഒക്കേനും ഉപയോഗിയ്കാം)

ഒരു കോക്കിയ്ക് ഏകദേശം ഒരു ഗ്ലാ‍സ്സ് ഗോതമ്പ് പൊടിയുടേ മാവ് ആകാം. നല്ല കട്ടിയില്‍ ചപ്പാത്തി പരത്തുന്നത് പോലെ പരത്തുക ഇത് പൊടി കൂട്ടി തന്നെ.

പരന്ന് കഴിഞ ശേഷം ചൂടായി കിടക്കുന്ന ഇരുമ്പ് ദോശ ചട്ടിയിലേയ്ക് ഇത് ഇടുക. അല്പം തിരിച്ചും മറിച്ചും ഇട്ട് കഴിഞാല് ഇതില്‍ ഒരു കത്തി കൊണ്ട് മുറിവേല്‍പ്പിയ്കുക. കുമിളയായിട്ട് പൊന്താതെ ഇരിയ്കാനാണിത്. ഇങ്ങനെ പകുതി മുപ്പിച്ചത് മാറ്റി വയ്ക്കുക. എല്ലാം ഇത് പോലെ ആക്കുക. 2/3 എണ്ണമേ വേണ്ടു ഒരു നേരത്തേയ്ക്. ഒന്നിച്ച് അപ്പോ തന്നെ വേവിച്ചാല്‍ ശരിയാവില്ല. ചൂട് കൂടി കരിഞ് പോകുകയും, അകം ബിസ്കറ്റ് പോലെ ആവാനുമാണു രണ്ടാമത്, ഇത് വീണ്ടും കല്ലില്‍ ഇട്ട്, നിറയെ ചുറ്റിനും എണ്ണ ഒഴിച്ച്, മൊരിയിച്ച് എടുക്കുക. കല്ല്യാണങ്ങള്‍ക്ക് ഒക്കെ ഇത് വിളമ്പുമ്പോള്‍, ഇങ്ങനെ കല്ലില്‍ പകുതി മൂപ്പിച്ചത്, ചീനചട്ടി നിറയെ എണ്ണ വച്ച് കോരിയെടുക്കും. (ദേവന്‍ സ്റ്റേജിനെ എവിടെയെങ്കിലുമുണ്ടേങ്കില്‍ മുന്നോട്ട് വരേണ്ടതാണു) നല്ല ബിസ്ക്റ്റ് പോലെ ആയി കിട്ടും അപ്പോഴ്.

ഇനി ഇത് ചൂട് ആറിയ ശേഷം, പകുതി യാക്കി മുറിച്ച് പ്രാതലില്‍ സോസിന്റെ കൂടെയോ, കൊത്തമല്ലി ചട്ണീടേ കൂടേയോ ഒന്നുമില്ലാതെയോ കഴിയ്കാം.

ഞാന്‍ അപ്പീസില്‍ പോകുന്നവര്‍ക്ക് ഉപകാരമായിക്കൊട്ടേ ന്ന് കരുതി നീളത്തില്‍ മുറിച്ച് ഡബ്ബിയിലാക്കും. എന്നിട്ട് കട്ട ചട്ടണീ കൂടെ വയ്കും. അപ്പോ വല്യ മെസ്സി ആക്കാണ്ടെ കഴിയ്കാം ഇത്.

ഇത് ഏറ്റവും പ്രയോജനപെടുക, യാത്രയിലാണു. ഒരു പകുതി കഴിച്ച് ഒരു കാപ്പീം കുടിച്ചാല്‍ അവിടേ കിടന്നോളും ഉച്ച വരെ!

ഇത് കട്ടി കൂട്ടി ഉണ്ടാക്കിയാലെ ബിസ്കറ്റ് പോലെ ആവൂ. കട്ടി കുറച്ചാല്‍ കരിയുകയും, ഇതിന്റെ ശരിയ്കുള്ള സ്വാദ് കിട്ടുകയും ഇല്ല.

ചുന്‍ മുന്‍ റൊട്ടി അല്ലെങ്കില്‍ ചീനി ചുന്‍ മുന്‍

2008-01-08T02:34:00.000-08:00

ചുന്‍ മുന്‍ പറോട്ട അല്ലെങ്കില്‍ ചീനി ചുന്‍ മുന്‍. സത്യായിട്ടും ഈ പേരിത് എങ്ങനെ വന്നൂന്ന് എനിക്കറിയില്ല. യു.പി യിലേ വീട്ടിലെ രാവിലെ സ്കൂളില്‍ പോ‍കുന്ന കുട്ടികള്‍ക്ക് നമ്മള്‍ രാവിലെ ഉപ്പുമാവോ ദോ‍ശയോ ഒക്കെ കൊടുക്കുന്നത് പോലെയാണു ഈ ചീ‍നി ചുന്‍ മുന്‍ ഉണ്ടാക്കി കൊടുക്കാറു.അമ്മയിത് പറയുന്നത് കേട്ട് ഞാനുമിത് തന്നെ പറഞ് പോന്നു. ഇനി ഇത് തന്നെയാണൊ പ്രൌനൌണ്‍സിയേഷന്‍ എന്നും അറിയില്ല എനിക്ക്. എന്തരേലുമാട്ട്. ഇത് നോക്ക്. മക്കള്‍ക്കുണ്ടാക്കി കൊടുക്കപ്പീ നിങ്ങളു.
ആവശ്യം വേണ്ടത്.
ചപ്പാത്തി മാവ്.
ഉപ്പ്
ഇടയില്‍ ചേര്‍ക്കാന്‍ പഞ്ചസാര ഏലയ്ക മിക്സ് അല്ലെങ്കില്‍ എരിവ് ഇഷ്ടമുള്ളവര്‍ക്ക് മസാല പൊടിയോ ദോശപൊടിയോ ചേര്‍ക്കാം.

താഴെ കാണുന്ന പോലെ ഒരു വട്ടം ചപ്പാത്തിയുണ്ടാക്കുക. അതില്‍ അല്പം എണ്ണ സ്പൂണ്‍ കൊണ്ട് തേയ്കുക.

എന്നിട്ട് താഴെ കാണുന്ന പോലെ, അല്പം ഗോതമ്പ് പൊടി വിതറുക. ഈ സമയത്താണു പഞ്ചസാരയോ/അല്ലെങ്കില്‍ ഇഷ്ടമുള്ള എരിവ് പൊടീയോ മറ്റോ ചേര്‍ക്കേണ്ടത്. പൊടിയാവണമെന്നില്ല, തരതരപ്പായിട്ടുണ്ടായാലും മതി.

എന്നിട്ട് താഴെ കാണുന്ന പോലെ ചപ്പാത്തി വട്ടം താഴെ കാണുന്ന പോലെ ചുരുട്ടി ഒതുക്കുക.

എന്നിട്ട് അത്, ഇത് പോലെ, ചുറ്റുക വട്ടത്തില്‍. ഓര്‍ക്കേണ്ടത്,ഇതിന്റെ അറ്റം വരുന്ന കഷ്ണം മേലേയ്ക് (മാര്‍ക്ക് ചെയ്തപോലെ) ഒതുക്കി വയ്കുക. അല്ലെങ്കില്‍ അറ്റം പരത്തുമ്പോ ചിലപ്പോ വിട്ട് പോയി റീബ്ബണ്‍ പരുവമായി നില്പാവും.
കല്ലില്ലേയ്കിട്ട് തിരിച്ചും മറിച്ചും നല്ലോണ്ണം വേവിയ്കുക.

ഇത് പോലെ മറിച്ചും.

എന്നിട്ട് ഏടുത്ത് അല്പം ചൂട് ആറീന്ന് തോന്നുമ്പോഴ്, ഒന്നുകില്‍ കൈ കൊണ്ട് ഒന്ന് കശക്കുക. (പണ്ട് പ്രേമ ലേഖനം ഡ്രാഫ്റ്റ് എഴുതി കശക്കി ഏറിഞ് ഫെയര്‍ ആക്കീത് പോലേ)
തെളിഞ് കാണാനായിട്ട് എടുത്തത് അണ്ടര്‍ വാട്ടര്‍ പടം പോലെ ആയി :)

എനിക്ക് തോന്നുന്നു, ഇത് മൈദ കൊണ്ട് ഉണ്ടാക്കുകയാണെങ്കില്‍, ഒരു പക്ഷെ നമ്മടേ വയറോട്ടീ മൈദാവട്ടം പോലെ ആവുമെന്ന്. ഒട്ടും ഹെല്‍ത്തി അല്ലാത്ത ഒരു ആഹാരമാണത് എന്നാണെന്റെ അഭിപ്രായം. വേവാത്ത മൈദയും, എന്തോ ഒക്കെ എണ്ണയും, ഉണ്ടാക്കുന്ന ആളിന്റെ വിയര്‍പ്പും എല്ലാം കൂടെ. തട്ട് കടേടേ മുമ്പിലൊക്കെ നിന്ന് ഈ പോറോട്ടയും, അതിന്റെ കൂടെ വേവിച്ച് തണുത്ത് ഉറച്ച മുട്ട, മുട്ട ക്കറിയെന്ന് പറയുമ്പോഴ് പെരുംജീരകം മണക്കുന്ന സവാള ഗ്രേവിയിലേക് ഇട്ടതും കൂടി ഈ വയറൊട്ടി കഴിയ്കണത് കാണുമ്പോ ഞാന്‍ അതിശയിയ്കാറുണ്ട്, ഇത്രേം നല്ല സ്വാദാണൊ ഈ സാധനത്തിനു എന്ന്. മൈദ പറോട്ട കഴിയ്കുമ്പോള്‍, കുടലുകളില്‍ ചെറിയ രീതിയില്‍ ഒട്ടി പിടിയ്കുമെന്നും, ഇത് കൂടീ കൂടി കല്ല് പോലെ ആയി മാറി, റ്റ്യൂമര്‍ ആവുമെന്നുമൊക്കെ കേട്ടിട്ടുണ്ട്. എന്നാലും ഇത് കേരളത്തിന്റെ ഒരു ദേശീയ ഭക്ഷണമായിട്ട് തന്നെ മാറിയ മട്ടാണിപ്പോഴ്.

എന്നോ ഒക്കെ എടുത്ത് വച്ച പടങ്ങളാണിത്, ക്യാമറേന്ന് ഇറക്കി ശുദ്ധാക്കാംന്ന് കരുതിയാണിതൊക്കെ ഇങ്ങനെ ചറ പറ പോസ്റ്റാക്കണത്.

ചേന മുളകിട്ട് വരട്ടിയത്

2008-01-07T03:46:00.000-08:00

ഇത് ചേന മുളകിട്ട് വരട്ടിയത്. സാധാരണ ചേനയെന്ന് പറയുമ്പോഴ് ഞങ്ങളേടേ ഒക്കെ വീട്ടില്‍, ഒന്നുകില്‍ എരിശ്ശേരി, തീയ്യല്‍, അല്ലെങ്കില്‍ വെറുതെ പച്ചമുളക് അരിഞിട്ട്, വെളിച്ചണ്ണയില്‍ ഇട്ട് എടുക്കും. വേറെ ഒരു രീതിയിത്, നല്ല എരിവോടേ, ഫ്രൈയായിട്ട്, എളുപ്പവുമാണു താനും. വൈകൂന്നേരമൊക്കെ വിരുന്നുകാരു വന്നാല്‍ ഞാനിത് ചായേടേ കൂടെ കൊടുക്കും. അത്രയ്കും റേറ്റിങ് ഉണ്ട് ഇതിനു.

ചേന ചിത്രത്തില്‍ കാണുന്ന പോലെ തീരെ കട്ടി കുറച്ച് സ്ലിം ബ്യൂട്ടിയായിട്ട് എഴുതണ പോലെ അരിയുക. അരിയലില്‍ ആ‍ണു സ്വാദ്. ചേന വേഗം ചെത്താന്‍ ഞാന്‍ കണ്ട് പിടിച്ച് എളുപ്പ വഴി, ചേന അങ്ങനെ തന്നെയോ പകുതി ആക്കിയോ നല്ല തിളച്ച വെള്ളത്തിലിട്ട് വയ്കുക. ചോറ് വാര്‍ത്ത കഞി വെള്ളം കളയണതിനു മുമ്പ് അതിലായാലും മതി.എന്നിട്ട് 10 മിനിറ്റ് കഴിഞ് അത് ഏടുത്ത് ചെത്തി നോക്കൂ. വേഗം മെസ്സി അല്ലാണ്ടെ ചൊറിയാതെ തൊലി പോവും. അങ്ങനെ അരിഞ ചേന ആവശ്യത്തിനു. (രണ്ട് തരം ചേനയുണ്ട്,, പഴയതും പുതിയതും. പഴയത് അല്പം നറുക്കി ചൂടു വെള്ളത്തിലിട്ട് വെച്ചാല്‍ ഈ ഫ്രൈയ്ക് എളുപ്പം. പുതിയതെങ്കില്‍ ഒന്നും ചെയ്യണ്ട. (തൊലിയുണങ്ങിയത് പഴയത്, അകം ചുകന്നിരിയ്കും. ഉണങാതെ, നനഞ തൊലിയുള്ളത്, പുതിയത്, നറുക്കുമ്പോ ക്രീം നിറമുണ്ടാവും).

ഉപ്പ്
മുളക് (ചതച മുളക്, ഇവിടേയെങ്കില്‍, പ്രിയം കമ്പനീടേ നല്ലത്. ഞാന്‍ എല്ലാ കാര്യങ്ങള്‍ക്കും ചതച്ച മുളക് ഉപയോഗിക്കാറ്. മുളക് പൊടിയില്‍ ഇത് ചെയ്താല്‍ മുളക് പൊടി ഇത് വരട്ടണ സമയം വരെ പിടിച്ച് നിക്കാണ്ടെ കരിഞ്പോവും. മുളക് പൊടിയില്‍ എന്തോ സുഡാന്‍ ഡൈയുണ്ടെന്ന് ഒക്കെ പറയുന്നു.ആരേലും അറിയണ ആളുകള്‍ മസാലയില്‍ ചേര്‍ക്കുന്ന മായത്തിനെ ഒക്കെ കുറിച്ച് ഒരു പോസ്റ്റ് ഇടു ദയവായി)
നിറയെ ഉള്ളി (മടിയെങ്കില്‍ സവാള)
വെളുത്തുള്ളീ
കരിവേപ്പില
കുരുമുളക്
മഞ പൊടി

എന്നിവ എല്ലാം കൂടെ നല്ലോണ്ണം ചതയ്കുക. മിക്സി അല്ലെങ്കില്‍ കല്ലില്‍. നിറയെ എരിവെങ്കില്‍ നന്നായിരിയ്കും.

അടുപ്പത്ത് എണ്ണ (വെളിച്ചെണ്ണ) വച്ച് ഒരുപാട് ചൂടാക്കാണ്ടേ ഈ ചതച്ചത് ഇടുക.ഇത് ഒരു പാട് മൂക്കാണ്ടേ തന്നെ ചേന അരിഞത് ഇടുക. ഒന്ന് എല്ലാം കൂടി യോജിപ്പിച്ച് ഇളക്കി വയ്കുക. ചെറിയ ചൂടില്‍ ഇടയ്കിടയ്ക് ഇളക്കുക. ഒരു 15 മിനിറ്റില്‍ ഇത് മേല്‍ക്കാട്ടിയ പടം പോലെ നല്ല ഫ്രെയാവും. ഇത് പോലെ നേന്ത്രക്കായ ചെയ്യാം. പക്ഷെ, കഴുകി വെള്ളത്തില്‍ ഇടാണ്ടേ (വെള്ളാത്തീന്ന് എടുത്ത് ഇട്ടാല്‍, വല്ലാതെ വെന്ത് ചേമ്പ് പോലെ കുഴയുമിത്), നേരിട്ട് അരിഞ് ഒരു 10 മിനിറ്റ് ഫ്രിഡ്ജിലോ മറ്റോ വയ്കുക.. കറ/സ്റ്റാര്‍ച്ച് കായയുടെ ഊറി വരുന്നാത് നിക്കും. എന്നിട്ട് അടുപ്പിലേയ്കിട്ട് ഇത് പോലെ ചെയ്യാം.

പ്രത്യേകിച്ച് എടുത്ത് പറയേണ്ട കാര്യം, ഇതിനു മേല്പറഞതൊക്കെ മതിയെങ്കിലും അതൊക്കേനും കൂട്ടി എടുത്ത് ബട്ടര്‍ പേപ്പര്‍ കട്ടി പോലുമില്ലാത്ത അലുമിനിയ പാത്രത്തിലോ ചീനച്ചട്ടീലോ ഇടരുത്. ക്രിയ കരിയും. അതൊണ്ട് ഒന്നുകില്‍ ഉരുളി പോലെ കട്ടിയുള്ളത്, അല്ലെങ്കില്‍ ഇരുമ്പ് ചീനചട്ടി. നോണ്‍സ്റ്റിക്കിന്റെ കാര്യോം എനിക്ക് അറിയില്ല. കട്ടിയുള്ള നോണ്‍സ്റ്റിക്കാണെങ്കില്‍ ചിലപ്പോ ശരിയാവുമായിരികും. സ്ലോ സിം തീ അല്ലെങ്കില്‍ റെഗുലേറ്റ് ചെയ്യാന്‍ പറ്റുന്ന തീ, കട്ടിയുള്ള പാത്രങ്ങള്‍ എന്നിവ ആണു നല്ല പാചകത്തിന്റെ കീ വേര്‍ഡുകള്‍. വലിയ ഗമേലു സ്ലൈഡ് ഷോ ഒക്കെ ആക്കിട്ടുണ്ട്. പപ്ലിഷ് ഞെക്കിയാ വല്ലോം വര്വോ ആവോ.

ച-പു-പ്പാ-ത്തിട്ട്

2008-01-06T02:24:00.000-08:00

പേരു കണ്ടിട്ട് ചീത്ത പറയണ്ടാ-വെരട്ടിയാ മതി :)

എന്നും ചപ്പാത്തിയെന്ന മലയാളി വിളിയ്കുന്ന ഫുള്‍ക്കെന്ന് ഞാന്‍ പറയുന്നതുണ്ടാക്കണം എനിക്ക്. അതാണു നമ്മള്‍ ചോറെന്നും പറഞ് കഴിക്കണ പോലെ അങ്ങേരുടേ ആഹാരം. തലയെണ്ണി ഉണ്ടാക്കിയാലും പഴഞ്ചോറ് പോലെ ഇതും 2/3 എണ്ണം ബാക്കിയുണ്ടാവും. ബ്രേക്ക് ഫാസ്റ്റിനു ഇതൊന്നും പറ്റാത്തൊണ്ട്, അത് അങ്ങനെയിരിയ്കും അവിടെ. കളയാനും മനസ്സ് വരില്ല. അത് കൊണ്ടാണു നൂതനമായ ഒരു ച-പു-പ്പാ-ത്തിട്ടിനു ഒരുങ്ങിയത്. (ഇത് എനിക്ക് കൂടുതല്‍ ഇഷ്ടായത്, കഫ്ട്ടേരയില്‍ നിന്ന് ചിലപ്പൊ അപ്പൂ കൂട്ടകാരു വരുമ്പോ പറോട്ട വാങ്ങും. ഞാന്‍ സ്റ്റൂവുണ്ടാക്കും. ആ പറോട്ട പിറ്റേ ദിവസം നല്ല വാരിപത്തലു പോലെയിരിയ്കും. വീട്ടിലെ ഇതര അംഗങ്ങള്‍ ഇത് കഴിയ്കാറില്ല. അതോണ്ട് പിറ്റേ ദിവസം ചൂടാക്കിയാലും നോ രക്ഷ. അങ്ങനെ ഈ പൂട്ടില്‍ പറോട്ട സ്ഥാനം പിടിച്ചു).

ആവശ്യം വേണ്ടത്.

ബാക്കി വന്ന കഫ്ടേട്ടറിയ പറോട്ട (മലബാര്‍ വയറോട്ടി മൈദാവട്ടം) - ഒന്നോ/രണ്ടോ
അരി പൊടീ - ഞാന്‍ ഉപയോഗിച്ചത്, നെംന്മണീ പുട്ട് പൊടി
ഉപ്പ്, തേങ.
(അളവ് - 2 പറോട്ടയുണ്ടെങ്കില്‍ ഒരു 1 കപ്പ് അരിപൊടീ/പ്ലസ് അരകപ്പ് തേങ മതിയാവും)

ഞാന്‍ ഒരു പുട്ട് ഫാനാണു. അതോണ്ട് പുട്ട് ഏത് വിധവും എന്ത് വിധവും ഉണ്ടാക്കും. സാധാരണ ഗോതമ്പ് പുട്ട് ഉണ്ടാക്കുമ്പോ, ചൂടു വെള്ളം പിശറി( തെളിച്ച്) തേങയും ഉപ്പും കൂട്ടി 5 മിനിറ്റ് വച്ച്, ഒന്നുകില്‍ മിക്സി ചെറീയ ബൌള്‍ അല്ലെങ്കില്‍ താഴെ കാണുന്ന ബ്രോണിന്റെ കാഫി ഗ്രൈന്‍ഡറില്‍ ഇട്ട് ഒന്ന് ചുറ്റിയാണു പുട്ട് ഉണ്ടാക്കുന്നത്. വളരെ പഞ്ചി പോലെയിരിയ്കും ഗോതമ്പ് പുട്ട് ഈ വിധം ഉണ്ടാക്കീയാല്‍. അതൊണ്ട് ഞാന്‍ ചൂട് വെള്ളം തളിച്ചാണു അരിപൊടി പുട്ടും ഉണ്ടാക്കുന്നത്. തീര്‍ച്ചയായും എല്ലാര്‍ക്കും ഒരു ഗ്യാരണ്ടീട് സൊഫ്റ്റ് പുട്ട് ഇതില്‍ ഞാന്‍ വാഗ്ദാനം ചെയ്യുന്നു.

ആദ്യമേ ബാക്കി വന്ന ചപ്പാത്തി അല്ലെങ്കില്‍ പറോട്ട ഒന്നുകില്‍ ഇത് പോലെ ഗ്രേന്‍ഡറിലേയ്കോ അല്ലെങ്കില്‍ ഷ്രെഡറിലേയ്കോ അല്ലെങ്കില്‍ മിക്ക്സീടേ ചെറിയ ബൌളിലേയ്കോ ഇട്ട് ഒരു തീരെ പൊടി പരുവമാക്കുക. പറ്റുമെങ്കില്‍ നാളെത്തേ മെനുവറിയാമെങ്കില്‍, രാത്രി തന്നെ ഫ്രിഡ്ജില്‍ വച്ച ച അല്ലെങ്കില്‍ പ ഉപയോഗിയ്ക്കുക. അല്ലെങ്കില്‍ ഒരു 5 മിനിറ്റ്, ഫ്രീസറീല്‍ വച്ചാലും മതി. സേം ഗുണം കിട്ടും.

താഴെ കാണിച്ചിരിയ്കുന്നത്, അരി പൊടി, ചൂടുവെള്ളത്തില്‍ പിശറി വച്ചിരിയ്കുന്നത്. അളവ്, ഞാന്‍ ഉപയോഗിയ്കുന്ന അരിപൊടിയ്ക്, ഒരു ഗ്ലാസ്സ് പൊടിയ്ക് ഏതാണ്ട് 1/4 ക്ലാസ്സിനു മീതെ തിളച്ചവെള്ളം വേണ്ടി വരാറുണ്ട്. ഇതും 5 മിനിറ്റ് കഴിയുമ്പോ കൂട്ടി യിളക്കി ഒന്ന് ഗ്രെയ്ന്‍ഡറില്‍ കറക്കി എടുക്കുക. ഇത് ഗ്രെയ്ണ്ടറില്‍ തിരിക്കുന്നത്, ഈര്‍പ്പം എല്ലായിടത്തും ഒരു പോലെ പടരാനാണു.

താഴെ കാട്ടിയിരിയ്കുന്നത്, അരിപൊടീം, ഷ്രേഡ് ആക്കിയ ച അല്ലെങ്കില്‍ പ യും, തേങ്ങയുമാണു. ഇതു എല്ലാം കൂടെ ഒന്നുടേ കൈ കൊണ്ട് മിക്സ് ചെയ്ത്, ഗ്രെയ്ന്‍ഡറില്‍ ഷ്രെഡ് ആക്കുക. തേങയും ഉപ്പും അരിപൊടിയും, ച അല്ലെങ്കില്‍ പ ഒക്കേനും കൂടേ യൂണിഫോമ ആയി മിക്സ് ആയി കിട്ടും. കെക് കൊണ്ട് ചെയ്താലും ഒരു കുഴപ്പോമില്ല. ഞാന്‍ കുക്കിന്റെ എക്സ്റ്റ്രീം പെര്‍ഫക്ഷനിലേയ്ക് പോകും. അതൊണ്ടാണിതൊക്കെ പറയണത്.

താഴെ കാട്ടിയിരിയ്കുന്നത് എല്ലാം കൂടെ റെഡി റ്റു കുറ്റി ആക്കി വച്ചിരിയ്കുന്ന പൂട്ട് മിക്സ് ആണു.

പുട്ട് കുടത്തില്‍ വെള്ളം വച്ച്, മുകളില്‍ കാട്ടിയിരിയ്കുന്ന ഈ കൂട്ട് ആവശ്യമെങ്കില്‍ ഇടയില്‍ തേങയിട്ട്, നിറച്ച്, മുകളിലൂടെ ആവി വരുന്നവരെ നോക്കിയിട്ട്, താഴെ പറഞ പോലെ കുത്തിയിടുക്കുക. ആവി വരുമെന്ന് പറഞിട്ട് വരാതിരിന്ന് കളയും ചിലപ്പോ. കാരണം ഇടയില്‍ വച്ച പൂട്ട് കുറ്റിയുമായി ഡൈവോഴ്സാക്കി കുടത്തീന്ന് കുടുംബ കോടതി വഴി പുറത്തേയ്ക് പോയാല്‍ ആവി വരില്ല. അതൊണ്ട് പുട്ട് കുടം അടുപ്പത്ത് വച്ചാല്‍ ബ്ലോഗ്ഗ് പോസ്റ്റിന്റെ കമന്റ് എണ്ണാന്‍ പോവാണ്ടെ ആവി നോക്കിയിരുന്നോണം. പിന്നെ സുല്ല് പറഞപോലെ സെല്ഫ് ആയിട്ട് നല്ല ബുദ്ധി തോന്നി പുട്ട് പ്ലേയിറ്റിലേക് ചാടേം ഇല്ല. അതൊണ്ട് കുത്തി തന്നെ ഇടേണ്ടി വരും.
ദേണ്ണ്ടെ താഴെ കാണണ സുന - ഇതാണീ ച-പു-പ്പാ-ത്തിട്ട് - സൊഫ്ട്ട് ന്ന് പറഞാല്‍ പോരാ നല്ല പൊമറേനിയന്‍ റ്റിങ്കു മോനെ തൊട്ട പോലെയിരിയ്ക്കും.
ഇത് ച അലെങ്കില്‍ പ അല്ലാണ്ടെ, ഫ്ഡ്ജില്‍ വച്ച, ബ്രെഡ് കൊണ്ടും, റവ, ക്യാരറ്റ്/രാഗി പൊടി, തീരെ ചെറിയ ഗോതമ്പ് നുറക്ക് എന്നിവ കൊണ്ടും ഇത് ഉണ്ടാക്കാം. ആദ്യം അല്പം ഉണ്ടാക്കുക എന്നിട്ട്, കോപ്ലിക്കേഷന്‍സ് ഒക്കെ നല്ലോണ്ണം പഠിച്ചിട്ട് വീരുന്നുക്കാര്‍ക്കായിട്ട് ഉണ്ടാക്കുക.

പുട്ട് ഫാനുകള്‍ക്കായിട്ട് ഞാനീ പാട്ടും ഡെഡിക്കേറ്റുന്നു. കുറെക്കാലായിട്ട്, ഒരു സുഹ്രത്ത് മെയില്‍ വഴി തന്ന പാട്ടാണിത്. ഏത് അവസരത്തിലും, കാറിലും മറ്റും കുട്ടികളായിട്ട് പോവുമ്പോഴ്, ഒട്ടും തൊണ്ടയ്ക് ഭാഗ്യം തരാത്ത ഞാന്‍ ഈ പാട്ട് അലറി പോകുന്നു.

എന്താണെന്നറിയില്ല എന്ത് കൊണ്ടെന്നറിയില്ല പുട്ടിന്നാവി വന്നില്ല.. പുട്ടിന്നാവി വന്നില്ല...

ഗോബീയന്‍ വീരഗാഥ

2008-01-03T01:00:00.000-08:00

ഇവിടെ പുകയുര്‍ന്നിട്ട് ഒരുപാട് നാളായി. എന്നാല്‍ പിന്നെ 2008ന്റെ ആദ്യ ദിനത്തിന്റെ രാവിലെത്തെ നോമ്പ് തുറ തന്നെയാവട്ടെ.

ഗോബി (കോളീഫ്ലവര്‍) പറോട്ട (അല്ലേങ്കില്‍, പരാട്ട, പരാത്ത.. എന്തേലും വിളി)

ആവശ്യമുള്ള സാധനങ്ങള്‍
ഗോബി അല്ലെങ്കില്‍ കോളിഫ്ലവര്‍
ഗോതമ്പ് പൊടി (വിത്തൌട്ട് മൈദ മിക്സ്) ഞാന്‍ മൈദയുള്ള ഒരു പൊടിയും ഉപയോഗിയ്കാറില്ല പൊതുവേ. (ഇവിടേ പിത്സ്ബെര്‍ഗും അല്‍ബേക്കറുമാണു ഗോതമ്പ് പൊടി പ്യുയരായീട്ട് തോന്നിയട്ടുള്ളത്. അല്ലെങ്കില്‍ അല്‍ ആദിലില്‍ ഗോതമ്പ് പൊടിച്ച് അപ്പോ തന്നെ കിട്ടും)
കോളിഫ്ലവര്‍ ക്യാരറ്റ് സ്ക്രെപ്പറില്‍ ചിരകി, ഇതിലേയ്ക് അവനവനും ഇഷ്ടമുള്ള മസാലലയിടുക. ഞാന്‍ സാധാരാണ, കട്ട മസാലാ എന്ന് അമ്മായിയമ്മ പറയാറുള്ള ഗരം മസാല ചേരുവകള്‍ചതച്ചത്
നാരങ്ങ നീരു ആവശ്യത്തിനു അല്ലെങ്കില്‍ അംചൂര്‍ (മാങാ ഉണക്കീത് പൊടിച്ചത്)
അയമോദകം അല്ലെങ്കില്‍ അജെവ്യിന്‍ ഈ ഒരു കൂട്ടാണു പ്രധാനമായും ഒരു വടക്കേ ഇന്ത്യന്‍ ടേസ്റ്റ് ഇതില്‍ തരുന്നത് എന്ന് എനിക്ക് തോന്നറുണ്ട്
ഇഞ്ചി അരിഞത്
പച്ചമുളക് അരിഞത്
വെളുത്തുള്ളി (ഇഷ്ടമെങ്കില്‍)
പൊതീനയില
ചിലര്‍ ഇതിന്റെ കൂടെ ഉരുളക്കിഴങ്ങ് വേവിച്ചത്, ക്യാരറ്റൂം -പനീര്‍ -സവാള -തേങാ -കശുവണ്ടി എന്നിവ ഒക്കെ സ്ക്രേപ്പ് ചെയ്ത് ചേര്‍ക്കാറുണ്ട്. എന്ത് വേണമെങ്കിലും ചേര്‍ക്കാം. പക്ഷെ, കോളിഫ്ലവരിന്റെ റ്റേസ്റ്റ് കിട്ടണമെന്ന നിര്‍ബ്ബന്ധമുള്ളത് കൊണ്ട്, ഞാന്‍ കോളിഫ്ലവര്‍ മാത്രമേ ചേര്‍ക്കാറുള്ളു.

ഇത് കോളിഫ്ലവര്‍ മേല്‍ പറഞ ചേരുവകള്‍ എല്ലാം കൂട്ടി തയ്യാറാക്കി വച്ചിരിയ്കുന്നത്. ഒരുപാട് നേരം മുമ്പേ ചെയ്ത് വയ്കണ്ട, അതില്‍ നിന്നും വെള്ളം വലിഞ്റ് തുടങ്ങിയാല്‍, ഗോതമ്പ് പൊടിയ്കയ്കത് സ്റ്റഫ് ചെയ്യുമ്പോഴ് ബുദ്ധിമുട്ടാകും.

ഇത് ഗോതമ്പ് പൊടി ഈ പരോത്തയ്ക് വേണ്ടി കുഴച്ച് വച്ചിരിയ്കുന്നത്. ഒരുപാട് വെള്ളം ചേര്‍ക്കാതെ, അല്പം കട്ടിയാ‍യിട്ട് റഫ് ആക്കി കുഴച്ചാല്‍ മതി, അങ്ങനെ ചെയ്താല്‍, പരോത്തയ്ക് ക്രിസ്പ്നെസ്സ് ഉണ്ടാവും. മാവില്‍ ഉപ്പ് മാത്രം മതി.
ഇത് മാവ് ഒരു ചെറിയ വട്ടം പരത്തി, അതിലേയ്ക് കോളിഫ്ലവര്‍ കൂട്ട് നിറച്ച് തുമ്പുകള്‍ ചേര്‍ത്ത് വച്ചത്. ഇത് ഇങ്ങനെ എടുത്തിട്ടത്, പ്രത്യേകം നോട്ട് ത പോയിന്റ്, മാവം ഒരുപാട് മുകളില്‍ തുമ്പ് ചേര്‍ക്കരുത്, നിറയെ കോളിഫ്ലവറ് മിക്സും അല്പം മാവുമെടുത്ത് ഉണ്ടാക്കിയാലേ നല്ല രുചി വരു. അല്ലെങ്കില്‍ ചുമ്മ ചപ്പാത്തി തിന്നുന്ന പോലെ തോന്നും. ഈ തുമ്പ് കൂട്ടിയത്, പിന്നീട് മുറിച്ച് കളയുക. അല്ലെങ്കില്‍ പരത്തുമ്പോഴ് ഈ തുമ്പിലെല്‍ ഉണ്ടപോലത്തെ മാവ് ചപ്പാത്തിയുടെ മേല്‍ അധികാരം സ്ഥാപിച്ച്, ഒരു ബിഗ് ലെയര്‍ പോലെ ഇരിയ്കും.
ഇത് പരത്തുന്ന വിധം. നോട്ട് ദ പോയിന്റ്, എങ്ങനെ കൂട്ടി പിടിച്ചിരിയ്കുന്നുവോ ആ ഭാഗം തന്നെ മുകളില്‍ വച്ച് പരത്തണം. അല്ലാതെ കമഴ്ത്തി വച്ച് പരത്തിയാല്‍, പരത്തുന്ന ഭാഗത്ത് കട്ടി കുറവായതിനാല്‍, വേഗം പിഞ്ചി പോയി, എരുമ ചാണംകമിട്ട് ഓടുന്ന പരുവത്തിലാകും. (റ്റിപ്സ് ഫ്രം അമ്മായിയമ്മ)
ഇത് പരത്തല്‍ മുഴുവനായ ചിത്രം.

അടുപ്പില്‍. ഒരു തവണ ഒരു സൈഡ് ഇട്ട് വേവിയ്ക്ക്ക. അവിടെയ്ക് എണ്ണ ഒഴിച്ച് പൊരിയ്കുക. (നെയ്യ് എങ്കില്‍ നല്ലത്, നല്ല യൂ.പി റ്റേസ്റ്റ് വരും) അല്ലെങ്കില്‍ സാദാ സണ്‍ ഫ്ലവര്‍. നോ നോ റ്റു ഡാല്‍ഡ് ഓര്‍ വെളിച്ചെണ്ണ എന്നിവ) ചുമ്മ നിക്കല്ലേന്നും പറഞ് ചുടൂമ്പോ തിരിച്ചും മറിച്ചും ഇത് ഇട്ട് തമാശ കാട്ടി പൊരിചെടുത്താല്‍, ഇതിന്റെ വേവ് ശരിയാവില്ല. സംഗതി ക്രിസ്പ്പ് ആവ്വാണ്ടെ സ്റ്റിഫ്നെസ്സ് അനുഭവപെടും. (സേം അപ്ലൈസ് റ്റു ചപ്പാത്തി ആള്‍സോ)

പ്ലേറ്റിലേയ്ക്.. ഇതിനു സാധാരണ ഇതിന്റെ മുകളില്‍ ഇത് പോലെ നല്ല കട്ട വെണ്ണയോ (അമൂല്‍ ബട്ടര്‍) എന്തെങ്കിലും അച്ചാറോ അല്ലെങ്കില്‍ തെരില്‍ സവാള തക്കാളി അരിഞിട്ട റൈത്തയോ ആണു ഉപയോഗിയ്കാറു.
ഇനി ഇത് സമര്‍പ്പണം.

(1) ഒന്ന് - ഗോതമ്പോ, നുറുക്കോ ഒക്കെ വല്ലപ്പോഴും ഗുരുവായൂ‍ര്‍ ഏകാദശി വരുമ്പോഴ് മാത്രം വാങിയിരുന്ന പാലക്കാട് അഗ്രഹാരത്തീന്ന് വടക്കേ ഇന്ത്യയിലെത്തി പെട്ടപോഴ്, ജീവിത വീക്ഷണങ്ങള്‍ വന്ന ഒരോ വീഴ്ച്ചയ്ക്കും താങ്ങായി നിന്നു, ഭാഷകള്‍ക്ക് അതീതമായിട്ട്, എന്നെ ചേര്‍ത്ത് നിര്‍ത്തി, പാചകത്തിന്റെ ഒരോ ചേരുവയും ചൂണ്ടി കാട്ടി തന്ന്, പൊടികൂടുമ്പോള്‍ വെള്ളമൊഴിച്ച്, വെള്ളം കൂടുമ്പോ പൊടിയിട്ട് കെകയ്യും, മുട്ടറ്റം ഇട്ടിരുന്ന വളകളും, ഷാളും മുടിയും ഒക്കേനും ഗോതമ്പ് പൊടിയില്‍ വീണ സിനിമാ താരങ്ങളെ പോലെ ആക്കിയ എന്നെ കളിയാക്കാതെ, മാറ്റി നിര്‍ത്താതെ, ഒരുപാട് ക്ഷമ പാലിച്ച്, എന്റെ ശര്‍മ്മാജീടെ പ്രിയ അമ്മയ്ക് (പെര്‍ഫക്റ്റ് എക്സാപിള്‍ റ്റു സേ - ഹൂ ഈസ് നിയറര്‍ റ്റു ഗോഡ്).

(2) രണ്ട് - ഇവിടെ അതി നിഗൂഡ്ഡമായിട്ട് വെയിറ്റ് ലോസ്സിങും റിയാലിറ്റി ഷോവുകളുമൊക്കെ നടത്തി വരുന്ന കുറെ ഏമാന്മാരുണ്ട്. അവര്‍ക്ക്. മക്കളേ കണ്ടോട്ടോ...

(3) മുന്ന്- വെണ്ണയും എണ്ണയുമെന്ന് പറയുമ്പോള്‍ കലികേറി ചട്ടകം അടുപ്പിലിട്ട് പൊള്ളിയ്കാന്‍ നടക്കുന്ന മറ്റോരു ഏമാനു. പേരു പറയില്ല. അസുരഗണത്തിലും പെടില്ല.

khandia

2007-03-25T00:48:00.000-07:00

ഇതാണു കിച്ചടി

2007-02-28T00:45:00.000-08:00

ഇതാണു കിച്ചടി.

ഒരുപക്ഷെ ഏറ്റവും സ്വാദിഷ്ടവും പോഷക സമ്പൂര്‍ണ്ണവുമായ വെജിറ്റേറിയന്‍ ഭക്ഷണം. (ദേവന്‍ ലീവീന്ന് തിരിച്ച്‌ വന്നത്‌ കാരണം, ഒന്ന് കലോറി കുറച്ച്‌ ഒരു സോപ്പിടീല്‍ എന്ന് വേണമെങ്കിലും പറയാം :)

പച്ചരി (പറ്റുമെങ്കില്‍ നുറുക്ക്‌)തുവരപരിപ്പ്‌ അല്ലെങ്കില്‍ ചെറുപരിപ്പ്‌ (ഉത്തമം) അല്ലെങ്കില്‍ ചെറുപയര്‍ ഇവ രണ്ടും സമാസമം റെഷ്യോവില്‍ ഒരു 3 മണിക്കൂര്‍ കുതിര്‍ക്കുക.
എന്നിട്ട്‌ 1: 5 എന്ന രേഷ്യോവില്‍ വെള്ളവും ഉപ്പും അല്‍പം മഞ്ഞപ്പൊടിയുമിട്ട്‌ കുക്കറില്‍ കൂകിയ്കുക. കുക്കി കഴിഞ്ഞാല്‍ 10 മി. ചെറിയ ചൂടില്‍ വയ്കുക.

ചീനച്ചട്ടില്‍ ഒരു തുള്ളി എണ്ണ (ഓപഷനല്‍, ദേവനു ഗുണ"ദോഷിയ്കാന്‍" പിടി കൊടുക്കരുതല്ലോ) ഒഴിച്ച്‌, പച്ചമുളക്‌/ഉണക്ക മുളക്‌/ കടുക്‌, ഉഴുന്ന് പരിപ്പ്‌, ഇഞ്ചി പച്ചമുളക്‌, അല്‍പം കുരുമുളക്‌, സവാള എന്നിവ കൊത്തി അരിഞ്ഞവ നല്ലവണ്ണം മൊരിയിച്ച്‌, കുക്കറിലുള്ള വസ്തു (പാനീയം!!) ഇതിലേയ്ക്‌ കമഴ്ത്തുക. അല്‍പം കായം ചേര്‍ത്ത്‌ നല്ലവണ്ണം ഇളക്കി ചൂടോടേ കഴിയ്കുക.

കൂടുതല്‍ സമയമുള്ളവര്‍ക്ക്‌, അരി വേവിയ്കുമ്പോള്‍ 2 തക്കാളിയും ക്യാരറ്റ്‌ എന്നിവ യിട്ടും വേവിയ്കാവുന്നതാണു.

ഇത്‌ രാത്രിയില്‍ മലയാളികള്‍ കുടിയ്കുന്ന കഞ്ഞി പോലെ ഉത്തരേന്ത്യക്കാര്‍ക്ക്‌ വളരെ ഉത്തമമായ ഒരു ആഹാരമാണു. ഇതിലേയ്ക്‌ ആരോഗ്യപ്രശ്നമില്ലാത്തവര്‍ കശുവണ്ടി എന്നിവ നെയ്യില്‍ വറുത്തിട്ട്‌ കഴിയ്കാവുന്നതാണു.

5 വയസ്സിനു താഴെയുള്ള കുട്ടികള്‍/ഗര്‍ഭിണികള്‍ ഒക്കെ, കണ്ട ചപ്പ്‌ ചവറുകളും മറ്റും കൊടുത്ത്‌ വയറു നിറയ്കുന്നതിനു പകരം എന്നും 1 നേരമെങ്കിലും ഇത്‌ കൊടുത്താല്‍ പോഷക കുറവു നികന്ന് കിട്ടും. ഇത്‌ ഇനിയും അല്‍പം സൂപ്പ്‌ പരുവത്തില്‍ വേണ്ടവര്‍ക്ക്‌ അല്‍പം വെള്ളം കൂട്ടി വേവിച്ചാല്‍ സൂപ്പായിട്ടും പനിയുള്ളപ്പോള്‍ കഴിയ്കാവുന്നതാണു.

എന്റെ വീട്ടില്‍ പറയാതെ വരുന്ന അതിഥികള്‍ക്ക്‌ (രാത്രി എങ്കില്‍) മിക്കവാറും ദിവസം ഇത്‌ കണിശമായും കിട്ടും/കുടിയ്കാവുന്നതാണു.

(കൈമള്‍ : യാതൊരു വലതും ഇടതും ഒന്നും ഈ പോസ്റ്റിനു ബാധകമല്ലാ. ആര്‍ക്കും എപ്പോഴും എവിടെയും ഉപയോഗിയ്കാം. ലോകാ സമസ്ത്‌ ഗുഡ്‌ ആരോഗ്യായാ നമ: - ആരോഗ്യം നശിയ്കുന്നത്‌, കടലിലേയ്ക്‌ നമ്മള്‍ എറിഞ്ഞ കഷ്ണം തീക്കട്ട പോലെ. അത്‌ അവിടെ കിടന്ന് കത്തും എന്നും പറഞ്ഞ്‌ കാത്ത്‌ നില്‍ക്കുന്നതിന്റേം അത്രേം അബദ്ധം ബ്ലോഗ്ഗില്‍ മലയാളം എഴുതി കാത്തിരിയ്കുന്നത്‌ പോലെയാവും. ജാഗ്രതൈ !!ജാഗ്രതെ..!! എല്ലാരും അവനവനെ കാപ്പാതുങ്കോ.

ബാങ്ക്‌ ലോണ്‍ പോലയോ/ജപ്തി പോലയോ ഒക്കെ വിഷമതകള്‍ വന്നാല്‍ പോലയല്ലാ, ആരാലും പങ്ക്‌ വയ്കപെടാന്‍ കഴിയാത്ത വിലപ്പെട്ട ഒന്നാണു ആരോഗ്യം.

(Google search may give you more informations on this receipe)

ക്രിസ്തുമസ്സിനു രണ്ട്‌ പച്ചക്കറി വിഭവങ്ങള്‍

2006-12-24T02:03:00.000-08:00

(കോപ്പിറൈറ്റഡ്‌ റ്റു അതുല്യ)

കോവയ്ക കശുവണ്ടി അവിയല്‍

കോവയ്ക ആവശ്യത്തിനു.
പച്ച നിറമുള്ളവ, പഴുക്കാത്തത്‌.
കശുവനണ്ടി
തേങ്ങ
പച്ചമുലക്‌
കരിവേപ്പില
മഞ്ഞപൊടി
ഉപ്പ്‌
ഒരു സ്പൂണ്‍ തൈര്‍/മോരു.

കശുവണ്ടി. 1/2 കിലോ കോവയ്ക യുണ്ടെങ്കില്‍ 200 ഗ്രാം കശുവണ്ടി എന്ന തോതില്‍. (ദേവഗുരുവിനോട്‌ പോയി പണിനോക്കാന്‍ പറ, ഇത്‌ ക്രിസ്തുമസ്സാ....)

കശുവണ്ടി, നേരെ പിളര്‍ന്നത്‌ കിട്ടും, അല്ലെങ്കില്‍ നേര്‍പകുതി ആക്കുക. രാത്രി തന്നെ വെള്ളത്തിലിട്ട്‌ വയ്കുക.

രാവിലെ കോവയ്ക, ഒരു കോവയ്ക നേര്‍ പകുതി ആക്കി, പിന്നെം നേര്‍ പകുതി ആക്കുക. സോ റ്റൊട്ടല്‍ ഒരു കോവയ്ക ഇന്റു 4 പീസസ്‌

കോവയ്കയും, കശുവണ്ടിയും വളരെ അല്‍പം വെള്ളം തളിച്ച്‌, ഉപ്പും, ംഞ്ഞപൊടിയും ഇട്ട്‌ വേവിയ്കുക. ഒട്ടും അധികം വെള്ളം വേണ്ട. വേവുന്ന പാകത്തിനും വെള്ളം മതി.

ഇത്‌ വെന്ത്‌ കഴിയുമ്പോള്‍ ഇതിലേയ്ക്‌ ഒരു സ്പൂണ്‍ തൈരു/മോരു ഇട്ട്‌ ഇളക്കി യോജിപ്പിയ്കുക.

പിന്നീട്‌ തേങ്ങയും, പച്ചമുളകും, അല്‍പം മഞ്ഞപൊടിയും, ഓപ്ഷനലായിട്ട്‌ ഒരു തരി ജീരകവും ഒരു മാതിരി അരച്ച്‌, വെന്ത കൂട്ടിലേയ്ക്‌ ഒഴിച്ച്‌ ചേര്‍ക്കുക. വെള്ളം ഒട്ടും ഒഴിയ്കണ്ട (വയറ്റില്‍ ഉള്ളത്‌ മതി). കട്ടി അവിയല്‍ പരുവത്തിലിരുന്ന മതി. എന്നാല്‍ തേങ്ങ നല്ലവണ്ണം വേവുന്ന രീതിയില്‍ ഇളക്കുകയും വേണം.

ഇറക്കി വച്ച്‌ അല്‍പം ആറിയ ശേഷം, പച്ച വെളിച്ചെണ്ണയും, കരിവേപ്പിലയും ചേര്‍ക്കുക.

******************

പാവയ്ക അല്ലെങ്കില്‍ പടവലങ്ങ മുളകിട്ടത്‌.

പാവയ്കയുടെ കയ്പ്‌ ഇഷ്ടമല്ലാത്തവര്‍, പാവയ്ക്‌ നുറുക്കി ഉപ്പ്‌ പുരട്ടി വച്ച്‌, രണ്ട്‌ മണിക്കൂറിനു ശേഷം കഴുകി ഉപയോഗിയ്കുക.

പാവയ്ക അല്ലെങ്കില്‍ പടവലങ്ങ ഈ ലിങ്കില്‍ കാണുന്നത്‌ പോലെ കട്ട്‌ ചെയ്തത്‌.

പാവയ്ക എങ്കില്‍ അല്‍പം എണ്ണയില്‍ വഴറ്റുക. മാറ്റി വയ്കുക. പടവലങ്ങ എങ്കില്‍ ചെയ്യണ്ട.

വഴറ്റിയ പാവയക അല്ലെങ്കില്‍ പടവലങ്ങ പച്ചമുളക്‌, ഇഞ്ചി , കരിവേപ്പില എന്നിവ ഇട്ട്‌, ഉപ്പുമിട്ട്‌ വേവിയ്കുക.

ഇതിലേയ്ക്‌, മീന്‍ക്കൂട്ടാന്‍ ഒക്കെ വയ്കുമ്പോ ആ ചന്ദ്രക്കല പോലെയുള്ള മീന്‍ പുളി, രണ്ട്‌ എണ്ണം കഴുകിയിട്ട്‌ വേവിയ്കണം.

ഇനി, ഒരു പാത്രത്തില്‍
മുളകു പൊടി, മഞ്ഞപൊടി,
ഒരു സ്പൂണ്‍ കപ്പലണ്ടി,
5 കുരുമുളക്‌/പൊടി,
5 തുണ്ട്‌ വെളുത്തുള്ളി,
3/4 ചെറിയ ഉള്ളിയൊക്കെ
എടുത്ത്‌ വെള്ളത്തില്‍ കുഴമ്പ്‌ രൂപമായിട്ട്‌ വച്ച ശേഷം, ഇത്‌ മിക്സീടെ ചെറിയ ബൗളില്‍ ഇട്ട്‌ വളരെ നല്ല മയത്തില്‍ അരച്ചെടുക്കുക.

ഈ അരപ്പ്‌, പുളിയിട്ട്‌ തിളയ്കുന്ന പാവയ്ക/ പടവലങ്ങയിലേയ്ക്‌ ഒഴിച്ച്‌, നല്ലവണ്ണം തിളച്ച്‌ കുറുകുന്നത്‌ വരെ തിളപ്പിയ്കുക.

ഇതിലേയ്ക്‌ ഉള്ളിയും കരിവേപ്പിലയും വെളിച്ചെണ്ണയില്‍ മൊരിയിച്ച്‌ ഇടുക.

ഇതിലേയ്ക്‌ ആവശ്യമുള്ളവര്‍ അവസന ഭാഗത്തില്‍ അല്‍പം കുറുകെ മാഗി തേങ്ങാപാല്‍പൊടിയും ചേര്‍ക്കാം, പക്ഷെ എരിവു കുറഞ്ഞു പോകും അപ്പോള്‍.

ഇഞ്ചിയേ.ആര്‍പ്പിയേ... .ഇതൊക്കെ ഒന്ന് ഉണ്ടാക്കി ഫോട്ടം ഇടൂ.

ആലു സൂക്കാ വിത്ത്‌ തോയ്‌

2006-12-16T04:05:00.000-08:00

ആലു സൂക്കാ വിത്ത്‌ തോയ്‌

എനിക്ക്‌ യു.പി യില്‍ ചിലവഴിച്ച ആദ്യ കാലങ്ങളില്‍ തോന്നാറുണ്ട്‌ ഈ മേഘലയിലേ നമ്മളൊക്കെ കേരളത്തിലേ ചമ്മന്തിയും ചോറും എന്ന് പറയുന്നത്‌ പോലെയാണു, ഈ യു.പിയില്‍ ആലൂ സൂക്കായും തോയും എന്ന്. പക്ഷെ സംഗതി സ്വാദിഷ്ടം തന്നെ, ചോറിന്റെ കൂടേയും ചപ്പാത്തീടെ കൂടേയും.ആലൂ സൂക്കാ.

മിക്കാവാറും നമ്മള്‍ ഉ:കിഴങ്ങ്‌ ഉപ്പേരിയുണ്ടാക്കുമ്പോ അതിന്റെ തുമ്പും ആകെ മൊത്തവും ഒക്കെ മിക്കവാറും പൊട്ടി പകുതി ഫ്രൈയും പകുതി പരുക്കും ഒക്കെ ആയിട്ട്‌ കിട്ടാറുണ്ട്‌.

ഉ:കിഴങ്ങിന്റെ ദേശ വിത്യാസമനുസരിച്ച്‌ ഇതിന്റെ വേവും ഗുണവും ഒക്കെ മാറും. പക്ഷെ ഈ വക ചതികളില്‍ ഒന്നും പെടാതെ തന്നെ, ഇത്‌ ഈ പരുവത്തില്‍ ആക്കാം.

ഇത്‌ ഊണിനു മാത്രമല്ലാ, വിരുന്നു കാരു വര്‍മ്പോഴോ, ടച്ചിങ്ങ്സായോ ഒക്കെ വിളമ്പാം.

ഉ: കിഴങ്ങ്‌ ആവശ്യത്തിനു. (1 കിലോ ഉണ്ടെങ്കില്‍ ഒരു കലാപം വീട്ടില്‍ പൊട്ടി പുറപ്പടാതെ നോക്കാം)ഏറ്റവും ശ്രദ്ധിയ്കേണ്ട കാര്യം ഇതിനു, ഉ:കിഴങ്ങ്‌ ചെറുതായി നറുക്കാതിരിയ്കുക.
കഷണം ചെറുതായാല്‍, ഇത്‌ നല്ലവണ്ണം വറുന്ന് ഒരു മാതിരിയാവും.
അത്‌ കൊണ്ട്‌ മീഡിയം സൈസ്‌ ഉ:കിഴങ്ങ്‌ നാലായി തന്നെ മുറിയ്കുക.
കഷ്ണം വലുതായി ഇരുന്നാ, ഇത്‌ പുറം നല്ല ക്രിസ്പിയായും, അകം നല്ല സൊഫ്ട്ട്‌ ആയും സ്വാദായും ഇരിയ്കും.
ഉ:കിഴങ്ങ്‌ മുറിച്ച്‌ എല്ലാ കഷ്ണങ്ങളും കൂടി തിളച്ച വെള്ളത്തില്‍ ഇട്ട്‌ വയ്കുക. ഒരു അഞ്ചു മിനിറ്റ്‌. ഇതിനായ്‌ തിളച്ച വെള്ളം തിളപ്പിയ്കണമെന്നില്ല. ആ സമയത്താണു ചോറു വാര്‍ത്തതെങ്കില്‍ ആ കഞ്ഞി വെള്ളത്തിലേയ്ക്‌ ഇട്ട്‌ വച്ചാലും മതി.

5 മിനിറ്റ്‌ കഴിഞ്ഞ്‌ ഈ കഷ്ണങ്ങള്‍ എടുത്ത്‌ പ്ലേറ്റിലെയ്ക്‌ മാറ്റുക. മാക്സിമം വെള്ളം ഇല്ല്യാണ്ടെ. അല്ലെങ്കില്‍ ഒരു അരിപ്പയില്‍ പകര്‍ത്തുക. ഞാന്‍ എപ്പോഴും വളരെ കുറച്ച്‌ പാത്രങ്ങള്‍ ഉപയോഗിച്ച്‌ പാചകം ഇഷ്ടപെടുന്ന ആളാണു.

സ്റ്റൗവില്‍ ഒരു മീഡിയം ചീനചട്ടിയില്‍ വെളിച്ചണ്ണ/നല്ലെണ്ണ അല്ലാത്തെ ഏതെങ്കിലും ഓയില്‍ (ഡീപ്പ്‌ ഫ്രൈയ്ക്‌ ഉള്ളത്‌) വച്ച്‌ കാഞ്ഞ ശേഷം ഈ കഷ്ണങ്ങള്‍ ഇട്ട്‌ വറക്കുക. വേഗം വറവാവും. ഒരുമാതിരി ബ്രൗണ്‍ (അധികം ബ്രൗണ്‍ ആക്കണ്ട, ആ സോഫ്റ്റ്നെസ്സ്‌ പോകും) ആകുമ്പോ, ഉപ്പ്‌ കലക്കിയ വെള്ളം തളിച്ച്‌ വറുത്ത്‌ കോരുക.

ദേവഗുരു കണ്ണ്‍ ഉരുട്ടി പേടിപ്പിയ്കണ്ട. നമ്മള്‍ സാധാരണ മെഴുക്ക്‌ വരട്ടി ഉണ്ടാക്കുന്നതിന്റെ അത്രേം പോലും ഇതിലു എണ്ണ കണ്‍സപ്ഷന്‍ നടക്കില്ല.

ഉപ്പ്‌ വെള്ളം തളിയ്കുമ്പോള്‍ എണ്ണ വലിഞ്ഞ്‌ വറ്റി പോകുന്നു.

ഈ കഷ്ണങ്ങള്‍ എല്ലാം ഈ വിധം കൊരിയെടുത്ത ശേഷം ഒരു ചീന ചെട്ടി/അല്ലെങ്കില്‍ ഫ്രൈയിംഗ്‌ പാന്‍ എടുത്ത്‌ സ്തൗവില്‍ വച്ച്‌, ഈ കഷ്ണങ്ങല്‍ എടുത്ത്‌ അതിലേയ്ക്‌ ഇടുക. (No oil used now)

മഞ്ഞപൊടി ഇട്ട്‌ ഇത്‌ നല്ല പോലെ യോജിപ്പിയ്കുക. 5 മിനിറ്റ്‌ ഇളക്കി ഒന്നൂടെ നല്ലവണ്ണം മൊരിയ്കുക. (ഈ സമയത്ത്‌ മുളകു പൊടി ഇടണ്ട, അത്‌ കരിഞ്ഞ്‌ പോയി, ആകെ ഗുലുമാലാവും, അനുഭവം ഗുരു:))

അത്‌ കഴിഞ്ഞ്‌ സ്റ്റൗ ഓഫാക്കി 2 മി. കഴിഞ്ഞ ശേഷം, മുളകു പൊടിയും, അല്‍പം ഗരം മസാല പൊടിയും, കുരുമുളകും പൊടിയും ഒക്കെ ഇട്ട്‌ ഒന്നൂടെ ഇളക്കി യോജിപ്പിയ്കുക.

ഇതിനു വേണ്ടി എണ്ണ വച്ച്‌ മെനക്കെട്‌ ഉണ്ടാക്കണ്ട. പപ്പടം കാച്ചുമ്പോഴോ അല്ലെങ്കില്‍ വല്ല്പ്പോഴും പലഹാരം ഉണ്ടാക്കുമ്പോഴോ ഒക്കെ ഇത്‌ പോലെ വറുത്ത്‌ എടുത്ത്‌ ആറിയ ശേഷം ഫ്രീസറില്‍ വച്ചാല്‍, ആവശ്യത്തിനു ഇത്‌ ചൂടാക്കി മസാല ഒക്കെ ചേര്‍ത്ത്‌ വിളമ്പാം.

തോയ്‌പേരു കേട്ട്‌ പേടിയ്കണ്ട. ഇത്‌ സിമ്പിള്‍.

1 ഗ്ലാസ്സ്‌ തുവരപരിപ്പ്‌
1 സ്പൂണ്‍ കടലപരിപ്പ്‌
1 സ്പൂണ്‍ ചെറുപരിപ്പ്‌
1 സ്പൂണ്‍ ഉഴുന്ന് പരിപ്പ്‌
ഇത്രയും ഒരു 5/10 വറ്റല്‍ മുളക്‌ ഇട്ട്‌ കുതിര്‍ത്തി വയ്കുക. ഒരു 1/2 മണിക്കൂര്‍.

(യു.പി യില്‍ ഏത്‌ വീടുകളിലും, രാവിലത്തേ പ്രഭാത ക്രത്യങ്ങള്‍ കഴിഞ്ഞാല്‍, വീട്ടിലെ കുടുംബനാഥാ ആദ്യമായി ചെയ്യുന്നത്‌ ഒരു പരന്ന പാത്രത്തി, അന്ന് വയ്കേണ്ടുന്ന അരി, പരിപ്പ്‌ കൂട്ടാനുള്ള പരിപ്പ്‌, എന്നിവ വെള്ളത്തിലിട്ട്‌, അത്‌ കഴിഞ്ഞ്‌ ചപ്പാത്തിയ്ക്‌ വേണ്ടിയ മാവ്‌ എന്നിവ കുഴച്ച്‌ വയ്കുകയാണു ചെയ്യാറു.എന്നും എല്ലാവീടുകളിലും, ദാലും, ചപ്പാത്തിയും ചോറും ഒരു മാറ്റവുമില്ലാതെ കാണും, സബ്ജി, അതായത്‌ ഒരു പച്ചക്കറി കറി മാത്രമാണു, വിത്യസ്തമായിട്ട്‌ കാണാറു).

ഈ പരിപ്പിലേയ്ക്‌, അല്‍പം ഉപ്പും മഞ്ഞപ്പൊടിയും ഇട്ട്‌ നല്ലവണ്ണം വേവിയ്കുക. ഇതിന്റെ ഹൈലെറ്റ്‌ തന്നെ ആ മുഴുവനൊടെ ഇട്ടിരിയ്കുന്ന വറ്റല്‍ മുളക്‌ ദാളിന്റെ കൂടെ വേവുമ്പോ ഉണ്ടാവുന്ന കോമ്പിനേഷന്‍ ആണു.

ചീനച്ചട്ടിയില്‍ എണ്ണയൊഴിച്ച്‌ ജീരകം, ഉലുവ എന്നിവ താളിച്ച്‌ ശേഷം ഇതിലേയ്ക്‌ ഈ പരിപ്പ്‌ കൂട്ട്‌ ഒഴിയ്കുക. ഇത്‌ നല്ല (ദേവന്റെ ന്യൂട്ട്രല്‍ കൂട്ടാന്റെ രീതിയില്‍ ഇരിയ്കും, ലൂസ്സായിട്ട്‌, തിക്ക്‌ അല്ലാതെ) പരിപ്പിലേയ്ക്‌ കായം പൊടിയും എരിവ്‌ അല്‍പം കൂടുതല്‍ വേണ്ടവര്‍ മുളകു പൊടിയും ഇടുക. തിളച്ച്‌ കഴിയുമ്പോള്‍ അല്‍പം പുളിച്ച മോരു (വളരെ കുറച്ച്‌) കലക്കി ഇതിലേയ്ക്‌ ഒഴിയ്കുക. കൊത്തമല്ലി ഇടുക.

(സവാള/ഗരം മസാലാ/തക്കാളി എന്നിവ ഒക്കെ വേണമെങ്കില്‍ ഒഴിയ്കാം)

ഈ കൂട്ടിലേയ്ക്‌ അല്‍പം തേങ്ങയും പച്ചമുളകും കൂടി നല്ലവണ്ണം അരച്ച്‌ ചേര്‍ത്ത്‌ ഒരു തിക്ക്‌ കൂട്ടാനുണ്ടാക്കാറുണ്ട്‌. അതും സ്വാദിഷ്ടം തന്നെ.

ക്രിസ്മസ്സിനു ഒരു കേക്ക്‌

2006-12-13T22:54:00.000-08:00

ഇത്‌ മുട്ട ചേര്‍ക്കാത്ത കുക്കറില്‍ ഉണ്ടാക്കാവുന്ന കേക്കാണു. ദുബായില്‍ വന്നിട്ട്‌ നമ്മടെ ബേക്കറികള്‍ പോലത്തെ കടകള്‍ ഒന്നും അധികം ഞാന്‍ കണ്ടില്ല. ഒന്നുകില്‍ വലിയക്കാട്ട ബേക്കിംഗ്‌ കടകള്‍ അല്ലെങ്കില്‍ സൂപ്പര്‍ മാര്‍ക്കറ്റിലെ പൊതിഞ്ഞ കേക്കുകള്‍.(അമേരിക്കാന കമ്പനിയുടെത്‌ പോലെ) അത്‌ കൊണ്ട്‌ ചിലപ്പൊ ഒരു കേക്കിന്റെ മോഹം തോന്നുമ്പോ ചെയ്യുന്നതാണു.

ഓവനില്ല എന്റെ വീട്ടില്‍. ഞാന്‍ പണ്ട്‌ മുതലെ ഹാക്കിന്‍സ്‌ കുക്കറില്‍ ആണു ഉണ്ടാക്കാറു. അത്‌ കൊണ്ട്‌ തന്നെ ഒരു കൂട്ടാന്‍ വയ്കുന്ന ലാഘവത്തില്‍ ഇത്‌ ചെയ്യാം.കേക്കില്‍ മിക്കവാറും വലിയ പിഴവൊക്കെ വരുന്നത്‌ അതിന്റെ കാര്‍ക്കശ്യ സ്വഭാവമുള്ള അളവിലാണു. എന്നിരുന്നാലും, ഈ ഇഗ്ഗ്‌ ലെസ്സ്‌ ഇത്‌ വരെ വലിയ ചതി ചതിച്ചിട്ടില്ല.

3 ഗ്ലാസ്സ്‌ മൈദ മാവ്‌
2 ഗ്ലാസ്‌ പഞ്ചസാര(ഇത്‌ പൊടിയ്കുക,പക്ഷെ ദുബായിലെ പഞ്ചസാര നല്ല മിനുസം പൊടി തന്നെയാണു, അത്‌ കൊണ്ട്‌ ഞാന്‍ പൊടിയ്കാറില്ല)
6 സ്പൂണ്‍ ചെറുത്‌, കോക്കോ പൗഡര്‍.(ഞാന്‍ ആ വയലറ്റ്‌ കുപ്പിയില്‍ വരുന്ന കാഡ്ബറീസ്‌ ചോക്കളേറ്റ്‌ പൗഡറും ഇടാറുണ്ട്‌)
1 സ്പൂണ്‍ ഉപ്പ്‌
2 സ്പൂണ്‍ ബേക്കിംഗ്‌ സോഡ. ഞാന്‍ എപ്പോഴും ഒരു മാസത്തില്‍ കൂടുതല്‍ ബേക്കിംഗ്‌ സോഡ വാങ്ങി വയ്കില്ല. പഴയത്‌ ഉണ്ടെങ്കിലും എനിക്ക്‌ പേടിയാണു. അത്‌ കൊണ്ട്‌ പുതിയ പാക്കറ്റ്‌ വാങ്ങും, എപ്പോഴും. 3/4 ഗ്ലാസ്സ്‌ വെജിറ്റബിള്‍ Oil. (ഞാന്‍ കോണ്‍ ഓയില്‍ അല്ലെങ്കില്‍ സണ്‍ഫ്ലൗര്‍ ആണു ഇടാറു.) ബട്ടറോ മാര്‍ജറിനോ ഞാന്‍ ഇട്ട്‌ നോക്കിയട്ടില്ല.
2 സ്പൂണ്‍ പുളിച്ച തൈര്‍ (വാസ്തവത്തില്‍ ഇതാണു മുട്ടയുടെ ഗുണം ചെയ്യുന്നതെന്ന് തോന്നുന്നു. ഇതിനു പകരം വിനീഗറും ഒഴിയ്കാം)
2 കപ്പ്‌ സാദാ പച്ച വെള്ളം
2 സ്പൂണ്‍ വാനില്ല എസ്സന്‍സ്‌

ആദ്യമേ ഇതൊക്കെ സ്വരുക്കുട്ടി വച്ച ശേഷം, മിക്സ്‌ ചെയ്യുന്നതിനുമുമ്പ്‌, ഗ്യാസ്‌ കത്തിച്ച്‌ ഹാക്കിന്‍സ്‌ കുക്കര്‍, (എന്റേത്‌ 5 ലിറ്റര്‍ ആണു), അതിന്റെ അകത്ത്‌ കൊള്ളാവുന്ന ഒരു പരന്ന അലുമൂന്യ പാത്രം വേണം. ചെറിയ പാത്രമേ ഉള്ളു എങ്കില്‍ ഇതിന്റെ പകുതി റേഷ്യോവില്‍ എടുത്താ മതി.)

കുക്കര്‍ അടുപ്പത്ത്‌ നല്ല ചൂടില്‍ വയ്കുക. കുക്കറിണ്ടെ അകത്ത്‌ അല്‍പം മണലോ മണ്ണോ ഇടുക. (ഈ മണ്ണ്‍ അടുത്ത ആവശ്യത്തിനു കവറില്‍ ആക്കി വയ്കാന്‍ മറക്കണ്ട ദുബായി ക്കാരു.) ഒന്നും സംഭവിയ്കില്ല പേടിയ്കണ്ട. നല്ല ചൂടില്‍ 10 മിനിറ്റ്‌ വച്ച ശേഷം, ചെറുതാക്കുക തീ.

എന്നിട്ട്‌,ആദ്യം മാവും, പഞ്ചസാരയും കോക്കോവും, ബേക്കിംഗ്‌ സോഡയും, ഉപ്പും നല്ലവണ്ണം യോജിപ്പിയ്കുക. ക്ഷമയുണ്ടെങ്കില്‍ അരിപ്പയില്‍ 3 വട്ടം അരിച്ച്‌ യോജിപ്പിയ്കുക. ഞാന്‍ ചെയ്യാറില്ല. :(

ഇത്‌ യോജിപ്പ ശേഷം എണ്ണയും ഉപ്പും എസ്സെന്‍സും വെള്ളവും ഒക്കെ ഒന്നിച്ചാക്കി തവി കൊണ്ട്‌ തല്ലവണ്ണം പതച്ച്‌ യോജിപ്പിയ്കുക. ഒരു 2 മിനിറ്റ്‌ മതി.

അലുമൂനിയ പാത്രത്തില്‍ അല്‍പം എണ്ണ പുരട്ടി അല്‍പം മൈദ പടര്‍ത്തുക. എന്നിട്ട്‌ ഈ കേക്ക്‌ മിശ്രിതം അതിലേയ്ക്‌ ഒഴിയ്കുക. പകുതിയോളമേ ഉണ്ടാവാന്‍ പാടുള്ളു. പക്കട്‌ ഉപയോഗിച്ച്‌ ഈ പാത്രം കുക്കറിലേയ്ക്‌ വയ്കുക. എന്നിട്ട്‌ വെയിറ്റ്‌ ഇടാതെ കുക്കര്‍ അടയ്കുക.

മീഡിയം ചൂടില്‍ ഒരു 15/20 മിനിറ്റ്‌ വയ്കുക.

ഇതില്‍ നട്ടോ കിസ്സ്മിസ്സ്‌ ഒക്കെ ഇടണം എന്ന് ആഗ്രഹമുള്ളവര്‍ 7 മിനിറ്റ്‌ കഴിയുമ്പോ തുറന്ന് ഇടുക. ആദ്യമേ ഇട്ടാ, ഈ നട്ട്‌ ഒക്കെ കൂടെ പോയി അടിയില്‍ കൂടും, അത്‌ കൊണ്ടാണു നടുവില്‍ തന്നെ ഇരിയ്കാനായിട്ട്‌ പകുതി വേവില്‍ ഇടാന്‍ പറയുന്നത്‌.

പകുതി വേവുമ്പോള്‍ അല്‍പം ബീയര്‍ ഒഴിച്ചാ കൂടുതല്‍ മാര്‍ദവം ആകുമെന്ന് പറയുന്നു. ഞാന്‍ ചെയ്തിട്ടില്ലാ. ഊണു മേശേന്ന് ഇനി അടുപ്പത്തേയ്കും കൂടി ബിയര്‍ ഒഴിയ്കണ്ടാന്ന് കരുതിയാണു.

15 മിനിറ്റ്‌ കഴിയുമ്പോ സ്റ്റൗ അണച്ച്‌, ആറുന്ന വരെ കാത്ത, കേക്ക്‌ വെന്ത പാത്രം കമഴ്ത്തി കൊട്ടി മുറിച്ച്‌ വയ്ക്കുക.

കേക്ക്‌ എടുത്ത ശേഷവും ചരലിനു ചൂടുണ്ടാവും. അതിലേയ്ക്‌ കപ്പലണ്ടി ഇട്ട്‌ വച്ചാല്‍ നല്ലവണ്ണം പാര്‍ക്കിലോക്കെ പായ്കറ്റില്‍ കിട്ടുന്ന കപ്പലണ്ടി പോലെയുള്ള കപ്പലണ്ടി പോലെ കിട്ടും.

കഴിഞ്ഞാഴ്ച ഉണ്ടാക്കിയിരുന്നു. എന്റെ ക്യാമറ അടിച്ച്‌ പോയി. ആരെങ്കിലും ഒരു നല്ല ക്യാമറയുടെ മോഡല്‍ (1000 ദിര്‍ഹംസിനുള്ളില്‍) പറഞ്ഞ്‌ തന്നാ ഈ ദ്രോഹങ്ങളുടെ ഒക്കെ ഒരു ക്യാമറ പതിപ്പും കൂടി ഇടായിരുന്നു.

ഇനി സൂവിനു - മത്തങ്ങ കൊതിച്ചിയ്ക്‌- ഒരു സര്‍പ്രൈസ്‌, ഇത്‌ മൈദമാവിനു പകരം മത്തങ്ങ നല്ലവണ്ണം സ്ക്രേപ്പറില്‍ സ്ക്രേപ്പ്‌ ചെയ്തത്‌, 3 കപ്പിനും പകരം 5 കപ്പ്‌ എടുത്തും ഇത്‌ പോല തന്നെ ചെയ്യാം. പക്ഷെ ആദ്യത്തെ എല്ലാ പരീക്ഷണങ്ങളും ഞാന്‍ സ്പൂണ്‍ അളവിലോ കൈയ്യില്‍ അളവിലോ മാത്രമേ ചെയ്യൂ. (കളയാനുള്ള സ്ഥലം കുറവാ, ദുബായിലു).

അത്‌ കൊണ്ട്‌ ചെറിയ അളവില്‍ പരീക്ഷിയ്കുക എന്തും. ഇനി പഞ്ചസാരയും, മാവും, ബേക്കിംഗ്‌ പൗഡറുമൊക്കെ പല രാജ്യങ്ങളിലും പല ബ്രാന്‍ഡ്‌ ആണു. അത്‌ കൊണ്ട്‌ ഈ വക ഒക്കെ 1/2 തവണ ചെയ്യുമ്പോഴേ ഒരു സ്ലോട്ടില്‍ വീഴൂ.

അപ്പോ ഹാപ്പി ക്രിസ്മസ്സ്‌.

2006-12-11T05:25:00.000-08:00

വാഴയ്കാ പൊടിമാസ്‌.

ഈ കൂട്ടാനു സാധാരണ ഉപയോഗിയ്കുന്ന ഏത്തക്കായ പറ്റില്ല. പകരം പടത്തി കായ, അല്ലെങ്കില്‍ ബഞ്ചി ഒക്കെ ഉണ്ടാക്കുന്ന ഒരു കായ ഉണ്ട്‌. (റോബസ്റ്റ്‌ എന്ന് പറയുമോ? അറിയില്ല എനിക്ക്‌).

ഇവിടെ മാര്‍ക്കറ്റുകളില്‍ മിക്കവാറും ഇത്‌ ഉണ്ടാവാറുണ്ട്‌. അല്‍പം തടിച്ചിരിയ്കും. ഇത്‌ നല്ലവണ്ണം തൊലി കളയുക. ഒട്ടും പച്ച നിറം അവശേഷിയ്കാതെ. പീലര്‍ ഉപയോഗിച്ചാലും മതി. ക്ഷമയുള്ളവര്‍ ഇത്‌ നടുകേ പിളര്‍ന്ന് ഇതിന്റെ ഉള്ളില്‍ ഒരു കറുത്തമണികള്‍ കളയുക.
ഈ കായ കഷണങ്ങള്‍ കുക്കറിന്റെ ഉള്ളില്‍ വേറേ ഒരു പാത്രത്തില്‍ വച്ച്‌ ഉപ്പിട്ട്‌ വേവിയ്കുക. ഒട്ടും തന്നെ വെള്ളം ഒഴിയ്കണ്ട കുക്കറെങ്കില്‍.
ചീനചെട്ടിയെങ്കില്‍ ഇത്‌ ചീനചട്ടിയില്‍ ഇട്ട്‌ ഉപ്പിട്ട്‌ അല്‍പം വെള്ളം തളിച്ച്‌ വേവിയ്കുക. വേഗം വേവും. (ചീനചട്ടിയില്‍ അല്‍പം വെള്ളം ചൂടാക്കി കളഞ്ഞ്‌ വേവിയ്കുക. അല്ലെങ്കില്‍ ഇന്നലെത്തെ മഞ്ഞപൊടിയിട്ട്‌ വേവിച്ച കൂട്ടന്റെ മഞ്ഞ കളര്‍ ഇതിലാവും, ഇത്‌ നല്ല കപ്പയുടെ കളര്‍ ഉള്ള ഒരു കൂട്ടാനാണു).
വെന്ത ശേഷം ഈ കഷ്ണങ്ങള്‍ ഒക്കെ ആറിയ ശേഷം കൈ കൊണ്ട്‌ നല്ലവണ്ണം ഉടയ്കുക.
പെയ്സ്റ്റ്‌ പോലെ ആക്കി ഉടയ്കണ്ട. വെന്ത ഉരുള കിഴങ്ങൊക്കെ ഉടയ്കുന്നത്‌ പോലെ.

ചീനച്ചട്ടില്‍ ഈ താളിയ്കല്‍ ലിങ്കില്‍ കാണുന്ന സാധങ്ങള്‍ ഒക്കെ (വെളിച്ചെണ്ണ ഒര്‍ റിഫൈന്‍ഡ്‌ ഒായില്‍) താളിയ്കുക.
ഇതിലേയ്ക്‌ സ്റ്റൗ താഴ്ത്തി ഈ കൈ കൊണ്ട്‌ ഉലര്‍ത്തി വച്ചിരിയ്കുന്ന കായ ഇടുക.
ഇതും ഇളക്ക്‌ യോജിപ്പിച്ച ശേഷം ഇതിലെയ്ക്‌ പുതിയതായി ചിരണ്ടിയ നാളികേരം ഇടുക.
നല്ലവണ്ണം യോജിപ്പിയ്കുക.
നാളികേരം ഇടുമ്പോ വേണമെങ്കില്‍ അല്‍പം പച്ചമുളകും ചതച്ചിടാം. (Do nut use mixie)

ഇത്‌ പോലെ തന്നെ ഉരുള കിഴങ്ങും ചെയ്യാം.പക്ഷെ ഇത്‌ കൂട്ടി ചോറു കഴിയ്കാന്‍ പറ്റും ന്ന് തോന്നുന്നില്ല. ഇതിന്റെ കൂടെ തമിഴ്‌ ബ്രാഹ്മണര്‍ അവര്‍കള്‍ ഒരു പുളി മൊളകായ്‌ കുട്ട്‌ ഉണ്ടാക്കും അത്‌ നാളെ. അല്ലേങ്കില്‍ എന്റെ വീട്ടില്‍ ഇന്ന് പട്ടിണി ആവും.

തക്കാളി തൊക്ക്‌

2006-12-08T06:43:00.000-08:00

തക്കാളി തൊക്ക്‌ (ഇത്‌ തമിഴ്‌ വാക്കാണു. മീനിംഗ്‌ ഇപ്പോഴും നഹി മാലും)

6 മാസം വരെ കേടു കൂടാതെ ഇരിയ്കുന്ന ഒരു തരം പിക്കള്‍ കം ഗ്രേവി മേക്കിംഗ്‌ സാധനമാണു.)

നല്ല പഴുത്ത തക്കാളി 1 കിലോ
മുളകു പൊടി 1/4 കിലോ
ഇനി എരിവു കുറവുള്ള പഞ്ചാരകുട്ടന്മാരെങ്കില്‍ 150 ഗ്രാം മതി
മഞ്ഞപൊടി ആവശ്യത്തിനു
ഉപ്പ്‌ ആവശ്യത്തിനു
ഒരു ചെറിയ നെല്ലിക്ക പുളി
ഉലുവ 1
കായം ആവശ്യത്തിനു.
1/2 സ്പൂണ്‍ കുരുമുളക്‌
2 നാരങ്ങ.

തക്കാളി നല്ലവണ്ണം കഴുകി, ഒരു ചീനച്ചട്ടിയിലോ പാത്രത്തിലോ നല്ലവണ്ണം വേവിയ്കുക. കുഴയുന്ന വരെയ്കും.

നല്ലവണ്ണം തണുത്ത പോലെ ആറിയ ശേഷം, (ഞാന്‍ സാധാരണ രാത്രി ഇത്‌ ചെയ്ത്‌ വയ്കും). പിറ്റേന്ന് രാവിലെ ആണു തൊക്ക്‌ ഉണ്ടാക്കുക.

നല്ലവണ്ണം ആറിയ (ചൂട്‌ അല്‍പം പോലും അവശേഷിയ്കുന്നുവെങ്കില്‍ ഇത്‌ അരയ്കുമ്പോ ഒരു വല്ലാത്ത മണമുണ്ടാകുകയും, എസ്പെഷലി മിക്സിടെ ചൂടും കൂടി ആവുമ്പോ, പിന്നെ ആ മണം ഈ തൊക്കില്‍ അവസാനം വരെ നിക്കുകയും ചെയ്യും.) അത്‌ കൊണ്ടാണു തണുത്ത ശേഷം എന്ന് വീണ്ടും പറയുന്നത്‌.

മിക്സ്സിയില്‍ (ബ്ലെന്‍ഡറില്‍ എളുപ്പ പണി, ഞാനും ചെയ്തിരുന്നു, പക്ഷെ മിക്സ്സീടെ സ്മുത്ത്നെസ്സ്‌ ഫീല്‍ ചെയ്തില്ല) കുറേശ്ശേയിട്ട്‌ നല്ലവണ്ണം സോഫ്റ്റ്‌ ആയിട്ട്‌ അരയ്കുക. ചെറിയ ബൗളില്‍ ആണു നല്ലത്‌,.വലിയ ബൗള്‍ എങ്കില്‍ അത്ര പാകത്തില്‍ കിട്ടുമോ എന്ന് എനിക്ക്‌ സംശയമുണ്ട്‌. ഒട്ടും തരിയോ, അല്ലെങ്കില്‍ തൊലിയോ കാണണ്ട. വേണമെങ്കില്‍ അരയ്കുന്നതിനു മുമ്പ്‌ തക്കാളിയില്‍ കൈയ്യിട്ട്‌ തൊലി മാറ്റാം. അല്‍പം മടിയെന്നാല്‍, ചലേഗാ, അരച്ചാ മതി.

ഉലുവ അല്‍പം എണ്ണയൊഴിച്ച്‌ വറുത്ത്‌ ഏടുക്കുക. ഇതിന്റെ കൂടെ കായവും വറത്ത്‌ കോരുക. കായ പൊടിയില്‍ കെമിക്കല്‍ മിക്സുള്ളത്‌ കൊണ്ട്‌ ഞാന്‍ പതിവായി ഉപയോഗിയ്കാറില്ല. കായം വാങ്ങി പൊടിച്ച്‌ വയ്കുക. എന്നാല്‍ ഇത്‌ ഇട്ടാ മതി, അലെങ്കില്‍ കായം കട്ട വറുക്കുക. (അതുല്യ ചേച്ചി യൂ ആര്‍ ടൂ ഡിഫിക്കള്‍റ്റ്‌ റ്റു ഹാന്‍ഡില്‍.....) ഇനി മുളക്‌ പൊടി, (പിരിയന്‍ മുളക്‌ പൊടി എങ്കില്‍ നല്ലത്‌, നിറമുണ്ടാകും, കാഷ്മീരി ഇട്ട്‌ അതി സാമര്‍ത്ത്യം കാട്ടണ്ട.)

ഈ ഉലുവ കായം ഉപ്പ്‌ മുളക്‌ കുരുമുളക്‌ എന്നിവ നല്ലവണ്ണം പൊടിയ്കുക. വളരെ മയത്തില്‍. അതിനു ശേഷം ഇതിലേയ്ക്‌ പുളിയുമിട്ട്‌ പൊടിയ്കുക. പൊടി മാറി കുഴമ്പ്‌ പരുവം (ന്യൂട്ട്രല്‍) ആകും. ഒരു കാരണ വശാലും അറ്റ്‌ എനി സ്റ്റേജ്‌ വെള്ളം ചേര്‍ക്കാതിരിയ്കുക.

വെരി ഇമ്പൊര്‍ട്ടന്റ്‌ ഫാക്റ്റര്‍ ഇന്‍ പിക്കില്‍ മേക്കിംഗ്‌.. വിത്ത്‌ ലൗവ്‌ ഫ്രം മൈ രാധ പാട്ടി, അച്ചാറിനു ഉപയോഗിയ്കുന്ന ഉപ്പ്‌, ചീന ചട്ടി ചൂടാക്കി ഇപ്പോഴും നല്ലവണ്ണം വറുത്ത്‌ എടുക്കുക. പണ്ട്‌ അച്ചാറുകള്‍ മാസങ്ങളോളം പുറത്തിരിയ്കുമ്പോഴും കേടാവില്ലാ. ഇപ്പോ നാലു ദിനം കഴിഞ്ഞാ അതില്‍ ഫംഗ്സ്‌ വരുന്നു, മേജര്‍ റീസണ്‍,ഉപ്പിലേ തണുപ്പ്‌/മോയ്സ്റ്റര്‍ ആണെന്ന് മുത്തശ്ശി പറയുന്നു. അത്‌ കൊണ്ട്‌ അച്ചാറിനുള്ള ഉപ്പ്‌ എപ്പൊഴും വറുത്ത്‌ ഉപയോഗിയ്കുക. (കൊച്ചി വഴി വരുമ്പോ ആരെങ്കില്‍ ജൂണ്‍ ജൂലായ്‌ മാസമെങ്കില്‍ വരൂ, 89 ന്റെ വക്കിലുള്ള മുത്തശ്ശിയെ കാണാം)

നല്ല വലിയ ചീനചട്ടി വച്ച്‌, (ഞാന്‍ മിക്ക കുക്കിങ്ങും ഉരുളി പോലുള്ള ബോമ്പെ റ്റൈപ്പ്‌ ഉരുളി ലൈക്‌ ലുക്കിംഗ്‌ ചീനച്ചട്ടിയിലാണു വയ്കാറു) വായ വട്ടം, സ്പേസുള്ള ചീനച്ചട്ടിയില്‍ 1/2 ഗ്ലാസ്സ്‌ നല്ലെണ്ണ ഒഴിച്ച്‌ (വെളിച്ചെണ്ണ വേണ്ട, 4 ദിനം കഴിയുമ്പോള്‍ കേടായ മണം വരും.) അതിലേയ്ക്‌ ഈ തക്കാളി അരച്ചത്‌ ഒഴിയ്കുക.

റ്റെം റ്റേക്കിംഗ്‌ പ്രോസസ്സ്‌ ആണു. ഇത്‌ 1/2 മണിക്കുര്‍ കൊണ്ട്‌ നല്ലവണ്ണം വെള്ളം വറ്റി സോസ്‌ ന്റെ പരുവത്തില്‍ സ്മൂത്ത്‌ ആയ പേസ്റ്റാവും.ഇത്‌ ടപ്പ്‌ ടപ്പ്‌ എന്ന് തിളച്ച്‌ തെറിയ്കും, സോ ഏപ്രണ്‍ കെട്ടിയാ സൗകര്യമാവും.

ഇത്‌ ഒരു പാത്രത്തിലേയ്ക്‌ മാറ്റി, 1/4 ഗ്ലാസ്സ്‌ നല്ലെണ്ണ ഒഴിച്ച്‌ മൂക്കുമ്പോള്‍, ഈ ഉപ്പ്‌ മുളക്‌... പുളി എന്നിവ അരച്ച്‌ കൂട്ട്‌, ഇതിലേയ്ക്‌ (സ്റ്റൗ ഓഫാക്കിയ ശേഷം ഇടുക, കൂട്ട്‌ കരിയാതിരിയ്കാനാണും സ്റ്റൗ അണയ്കാന്‍ പറഞ്ഞത്‌) അതിനു ശേഷം സ്റ്റൗ കത്തിച്ച്‌ ഈ കൂട്ടും നല്ലവണ്ണം മൊരിയ്കുക, മഞ്ഞപൊടിയും ചേര്‍ക്കുക. ഇതിലേയ്ക്‌ തക്കാളി പേയ്സ്റ്റ്‌ ഇതിലെയ്ക്‌ ഒഴിച്ച്‌ കൂട്ടി ഒരു 10 മിനിറ്റ്സ്‌ കൂടി എളക്കി യോജിപ്പിയ്കുക. നല്ല ചുവന്ന കളര്‍ ജാം പരുവമാകുമ്പോള്‍ സ്റ്റൗ അണയ്കുക.

ആറിയ ശേഷം ഇതിലേയ്ക്‌ 2 നാരങ്ങ പിഴിഞ്ഞ്‌ ഒഴിയ്കുക. ഒഴിയ്കുക. നല്ലെണ്ണയുടെ മണം ഇഷ്ടം ഉള്ളവര്‍ക്ക്‌ 1 ഗ്ലാസ്സ്‌ നല്ലെണ്ണ ചൂടാക്കി ആറ്റിയ ശേഷം ഒഴിച്ച്‌ വയ്കാം. ആന്ധ്രാ ആവയ്കാ പിക്കിളിന്റെ റ്റേയ്സ്റ്റ്‌ വരും.

ഇത്‌ തിരക്കുള്ളപ്പോ സവാള മാത്രം വഴറ്റി, ഇതില്‍ നിന്ന് ഒരു സ്പൂണ്‍ ഗ്രേവി എടുത്ത്‌ ഒരു ചാറു കറിയോ, മീന്‍ ഉപ്പിട്ട്‌ വേവിച്ച്‌ ഇതും അല്‍പം തേങ്ങാ പാലും ചേര്‍ത്ത്‌ കറിവയ്കുകയോ, ചിക്കന്‍ കൂട്ടിലേയ്ക്‌ ഒഴിയ്കുകയോ ഒക്കെ ചെയ്യാം. കടലക്കറിയില്‍/മുട്ട ക്കറിയില്‍ ഗ്രേവി എന്നിവയ്കോ, ചുമ്മാ അല്‍പം ചൂടുവെള്ളം ചേര്‍ത്ത്‌ ഗരം മസാല പ്ലസ്‌ മാഗി കോക്കനട്ട്‌ പൗഡര്‍ ചേര്‍ത്ത്‌ ഒരു ഗ്രേവിയോ ഒക്കെ ആക്കാം. റ്റൂ റ്റേയ്സ്റ്റ്‌. ക്യാമറ നോ വര്‍ക്കിംഗ്‌ മി!! ശര്‍മാജി ഇല്ല്യാത്തോണ്ട്‌ എന്റെ പില്‍ഗ്രിമേജ്‌ ഇപ്പോ അടുക്കളയിലാ. പോരാത്തതിനു വിന്റര്‍ ഇവിടെ ആന്‍ഡ്‌ നല്ല വെജിറ്റബിളും കിട്ടുന്നു. ഇതൊക്കെ ചെയ്ത്‌ ഞാന്‍ സമയം കൊല്ലുന്നു.

അച്ചാറു ഉണ്ടാക്കി വയ്കുന്ന കുപ്പിയിലേയ്ക്‌ എപ്പോഴും സ്പൂണ്‍ ഇടാത,വലിയ കുപ്പിയില്‍ നിന്ന് അപ്പോ അപ്പോഴത്തെ ആവശ്യത്തിനു ഒരു 1/4 കിലോ കണ്ടേയിനറിലെയ്ക്‌ മാറ്റി വച്ചാ, തൊക്കിന്റെ ഫ്രെഷ്‌-നെസ്സ്‌ നഷ്ടപെടാതെയിരിയ്കും.

ഇഞ്ചിയേ.. ആര്‍പിയേ.. ബിന്ദുവേ.. താരേ... സൂവെ....രേശ്മേ അരവിന്ധാ... വീക്കന്റ്‌ മഹാമഹം ആക്കു..... തക്കാളി തൊക്ക്‌...

വഴുതനങ്ങ പച്ച പുളി പച്ചടി.

2006-12-07T01:54:00.000-08:00

കനല്‍ സൗകര്യം ഉള്ളവര്‍ വഴുതങ്ങ (വയല്‍റ്റ്‌) നിറമുള്ളത്‌/അല്ലെങ്കില്‍ വെള്ള നിറമുള്ളത്‌ ചുടുക നല്ലവണ്ണം.
ഈ വക ഒന്നും സൗകര്യമില്ലാത്തത്‌ കൊണ്ട്‌ ഞാന്‍ ഇത്‌ ഫോയില്‍ പേപ്പറില്‍ പൊതിഞ്ഞ്‌ ഗ്യാസില്‍ കാണിയ്കും, അല്ലെങ്കില്‍ എണ്ണ പുരട്ടി ഓവനില്‍ വയ്കും.
ഇത്‌ ഒന്നുമല്ലെങ്കില്‍ എളുപ്പത്തിനു കുക്കറില്‍ വെള്ളമൊഴിയ്കാതെ തന്നെ വേവിച്ചെടുക്കുക,
എരിവു കൂടുതല്‍ വേണമെന്നുള്ളവര്‍ ഈ സമയത്ത്‌ 5/10 പച്ചമുളകും ഇട്ട്‌ വേവിയ്കുക.
(രണ്ടായി പകുത്ത്‌ വയ്കുന്നതാവും നല്ലത്‌, നമ്മടെ പുഴുമാപ്ലേനെ പിടിയ്കാം അപ്പോ)ചുടാറി തൊലി കളഞ്ഞ ശേഷം, കൈ കൊണ്ട്‌ നന്നായി ഒടയ്കുക.
(ഞാന്‍ ഉപ്പും മുളകും ഒക്കേനും തന്നെ കൈ കൊണ്ടാണു ഇടാറു. എന്നാലെ കണക്ക്‌ ശരിയാവൂ എന്ന തോന്നലാണു.)
ഒരു നെല്ലിക്ക വലിപ്പം പുളി, (വഴുതനങ്ങ 1/2 കിലോയുണ്ടെങ്കില്‍) നല്ലവണ്ണം കുഴമ്പ്‌ പരുവമാക്കുക, അധികം കട്ടി വേണ്ട, അധികം ലൂസും വേണ്ട.
ഒടച്ച്‌ വച്ചിരിയ്കുന്ന വഴുനങ്ങയില്‍ ഇത്‌ ഒഴിയ്കുക, ഉപ്പും കായവും കൂടി ഇട്ട്‌ ഇളക്കുക. (കായമിഷ്ടമുള്ളവര്‍ അധികം ഉപയോഗിയ്കുക, സ്വാദുണ്ടാകും.)

ഇനി ചീനച്ചട്ടി വച്ച്‌ ഇതിലേയ്ക്‌ ഈ (link) താളിയ്കല്‍ സാധനങ്ങള്‍ ചേര്‍ക്കുക. (വെളിച്ചെണ്ണയാണു നല്ലത്‌, പക്ഷെ എന്റെ വീട്ടില്‍ നല്ലെണ്ണയാണു ഉപയോഗിച്ചിരുന്നത്‌, രണ്ടും ചെയ്ത്‌ നോക്കുക).
ഈ ചീനച്ചട്ടിയിലേയ്ക്‌ പുളിയുമായി കൂട്ടി യോജിപ്പിച്ചിരിയ്കുന്ന വഴുതന്‍ മിശ്രിതം ഇട്ട്‌ ഒന്ന് ഇളക്കി കൂട്ടുക. തിളപ്പിയ്കണ്ട.

(വേണമെങ്കില്‍ ഉള്ളിയും മൊരിയിച്ചിടാം. എളുപ്പത്തിനു ഉണ്ടാക്കുന്ന കൂട്ടാന്‍ എന്നും പറഞ്ഞ്‌ ഉള്ളിയൊക്കെ ഉരിപ്പിയ്കണത്‌ അഗൈന്‍സ്റ്റ്‌ ദ റൂള്‍സ്‌...)

പാല്‍ പായസം

2006-12-06T04:12:00.000-08:00

പാല്‍ പായസം--കുക്കര്‍ പാല്‍പ്പായസം

ഐശ്വര്യായിട്ട്‌ തുടങ്ങീതല്ലേ.. ഒരു പാല്‍ പായസം തന്നെ ആദ്യം. ഈശ്വരാ.. പോസ്റ്റ്‌ ഒക്കെ ഇടാന്‍ പറ്റണേ.. സായിപ്പ്‌ ചീട്ട്‌ കീറരുതേ..

ഒരു ലിറ്റര്‍ പാല്‍
100 ഗ്രാം ഉണക്കലരി (ദുബായി കടകളില്‍ കാണത്തത്‌ കൊണ്ട്‌, ഞാന്‍ ചുവന്ന അരി ആദ്യമേ നല്ലവണ്ണം കുക്കറില്‍ വേവിച്ചെടുത്ത്‌ ഒടയ്കും)
പഞ്ചസാര 1 ഗ്ലാസ്സ്‌
(അതായത്‌ 1 ലിറ്റര്‍ പാല്‍ : 100 ഗ്രാം അരി : 1 ഗ്ലാസ്‌ പഞ്ചസാര : 1 ഗ്ലാസ്‌ വെള്ളം)

ഞാനിത്‌ ഹാക്കീന്‍സ്‌ കുക്കറിലേ വച്ചിട്ടുള്ളു, കാരണം അടപ്പ്‌ അകത്തോട്ട്‌ ഇട്ട്‌ അടയ്കാന്‍ പറ്റുന്നതായത്‌ കൊണ്ട്‌, പാലു ഇത്‌ വരേം പൊന്തി പുറത്തോട്ട്‌ വന്നിട്ടില്ല)

കുക്കര്‍ ആദ്യമേ ഒരു 2 ഗ്ലാസ്സ്‌ വെള്ളം തളപ്പിച്ച്‌ (5 മിനിറ്റ്‌) ശേഷം കളഞ്ഞ്‌ വയ്കുക. (കുക്കറില്‍ എന്തെങ്കിലും ഉപ്പ്‌ മയമോ മറ്റോ ഉണ്ടെങ്കില്‍ പോകാനാണിത്‌. (കല്ല്യാണം കഴിയ്കണ പോലയാണു കുക്കര്‍ പായസം, കുക്കര്‍ തുറക്കുമ്പോഴേ അറിയൂ...... ഗുണം)

ഹാക്കീന്‍സ്‌ കുക്കര്‍ 5 ലിറ്ററിന്റെ ആവുമ്പോ ഈ മുകളില്‍ പറഞ്ഞ അളവു കൃത്യമായി പകുതിയോളം ഉണ്ടാവും.

അരി ചുവന്നത്‌ തന്നെ വേണമെന്നില്ലാ, പച്ചരി/ബസ്മതി ആണെങ്കിലും മതി.

അരി 1 മണിക്കൂര്‍ മുമ്പ്‌ കുതിരിത്ത്‌ വയ്കുക്‌. എന്നിട്ട്‌ നല്ലവണ്ണം ഒരു അഞ്ചാറു തവണയെങ്കിലും തീരെ കാടി പോയി തെളിഞ്ഞ വെള്ളം വരുന്നതു വരെ കഴുകുക.

അരിയും/പാലും/വെള്ളവും കുക്കറിലാക്കി കുക്കര്‍ അടച്ച്‌ ഒരു വിസില്‍ വന്ന ശേഷം ഒരു 15 മിനിറ്റ്‌ തീരെ ചെറിയ ചൂടില്‍ വേവിയ്കുക.

ഈ സമയത്ത്‌ ഒരു റ്റവ്വലോ കട്ടി തുണിയോ നനച്ച്‌ കുക്കറിന്റെ മുകളില്‍ ഇട്ടാല്‍, പാല്‍ ഇടയ്ക്‌ ഇടയ്ക്‌ ആവിയിലൂടെ വരാതിരിയ്കും. പതങ്ങ്‌ പൊങ്ങുന്നതാവുന്നത്‌ കൊണ്ടാണിത്‌.

ഇതിനു ശേഷം അടുപ്പ്‌ അണയ്കുക. കുക്കര്‍ തുറന്ന് കഴിഞ്ഞ്‌, അല്‍പം ആവി പോയതിനു ശേഷം ഇതിലേയ്ക്‌ (തിളയ്കുന്ന പാലിലേയ്ക്‌ ഇപ്പോ കിട്ടുന്ന പഞ്ചസാര ഇടാതിരിയ്കുന്നത്‌ നല്ലത്‌, വല്ലാതെ കെമിക്കലുള്ളത്‌ കാരണം ഈ ചൂടില്‍ കെമിയ്കലുമായി കൂടി പിരിയാന്‍ സധ്യതയുണ്ട്‌..anubavam guru!!) പഞ്ചസാര ഇടുക.

ഞാന്‍ സാധാരണം ഭയം കാരണം, പഞ്ചസാര ഒരു മിന്നല്‍ വേഗതയില്‍ കഴുകി എടുക്കും. ഒരല്‍പം മധുരം ചോര്‍ന്ന് പോയാലും, ചെളി പോയികിട്ടും.

എല്ലാം കൂടി കൂടി ഇളക്കി ചെറിയ ചൂടില്‍ പിന്നേയും ഒരു 10 മിനിറ്റ്‌ വയ്കുക. റ്റവ്വലും ഇടുക. തുറന്ന് കഴിയുമ്പോ നല്ല പിങ്ക്‌ നിറത്തിലുള്ള (ക്രീമറോ/മില്‍ക്‌ മേയിടോ ഇടാതെ തന്നെ...) പായസം കിട്ടും.

ഇനി ഇതിലേയ്ക്‌ 50 ഗ്രാം ബട്ടറോ/നെയ്യോ ഇട്ട്‌ ഇളക്കുക. (കലോറി കോണ്‍ഷ്യസ്‌ ആയവര്‍ പ്ലീസ്‌ രിഫ്രേയിന്‍).

ഒരല്‍പം കൂടി കുറുകണം എന്ന് തോന്നുന്നുവെങ്കില്‍ നേരെ അടുപ്പത്ത്‌ വയ്കാതെ, ഒരു ഇരുമ്പ്‌ ദോശക്കല്ല് വച്ചിട്ട്‌ അതിന്റെ മുകളില്‍ ഈ കുക്കര്‍ അടച്ച്‌ വയ്കുക. വിരുന്നുകാര്‍ വരുമ്പോഴേയ്കും നല്ല പാകത്തില്‍ അമ്പലപുഴ പായസം പരുവമായിട്ടുണ്ടാവും.

പാല്‍പായസത്തില്‍ സാധാരണ കശുവണ്ടിയോ മുന്തിരി പരിപ്പോ ഇടാറില്ല. ചിലര്‍ക്ക്‌ പായസം എന്ന് പറയുമ്പോഴ്‌ തന്നെ ഇതൊക്കെ ഇടണം എന്ന ഒരു ത്വര വരും. വേണമെങ്കില്‍ ഇടുക.

ഇനി ഈ പറഞ്ഞ ചേരുവകളെല്ലാം തന്നെ ഒന്നിച്ചിട്ടും ഈ പായസം വയ്കാം. എന്നാലും ഒരു സേഫര്‍ സൈഡ്‌ എന്ന നിലയ്ക്‌ പഞ്ചസാര ഈയ്യിടെ ഒരു വില്ലന്റെ റോളിലാണു. അത്‌ കൊണ്ട്‌ പിന്നീട്‌ സെക്കന്റ്‌ സ്റ്റെപ്പായിട്ട്‌ ഇടുന്നതാണു കൂടുതല്‍ നല്ലത്‌. അല്ലെങ്കില്‍ ഒരിയ്കല്‍ അല്‍പം അളവു വച്ച്‌ നോക്കി ആ പഞ്ചസാര തന്നെ കൂടുതല്‍ വയ്കുമ്പോഴും ഇടുക.